تجربتي باختصار ..
من ست شهور صبغت شعري بني وهايلات اشقر
والله لا يراويكم الصبغة شلون صارت عقب ثلاث شهور
ومع التساقط الشديد خاصة من مقدمة الراس قررت اني احني شعري واسوي له كتم
رغم التحذيرات من أن شعري ممكن يصير اخضر! أو برتقالي فاقع بأحسن الأحوال!
والحمدلله جربت اول شي على خصلة وحدة ..عجبني اللون
ولما سويت لشعري كله ابهرتني النتيجة
شعر اسود زيتوني والخصل الشقرة صارت نحاسية
وغير اللمعة وكأن الحياة رجعت لشعري
ونصيحتي للي حابة تجرب:
#الحنة لا بد تكون طبيعية 100%
#الكتم لازم تكون نوعيته زينة, انا خذته من العطار اللي عند مخبز حبيب
#اول جربي على خصلة , لان النتيجة ممكن تفرق من شعر لشعر
الطريقة كالتالي:
بضع قطرات ليمون على الحنة وتعجن بماء فقط
غطيها واتركيها 6ساعات
وبعدين وزعيها على شعرج بالتساوي والافضل حد يساعدج, ولفي شعرج بكيس نايلون
بعد ساعتين على الاقل غسلي شعرج وجفيفه تجفيف خفيف واخلطي كمية من الكتم مع الروب فقط بدون ماء
ووزعيه على شعرج شرات الحنة ..واتركيه ساعة على الاقل, وشوفي النتيجة 
واي استفسارات انا حاضرة
تنفع اللي شعرها اسود
انزين اذا ابا يظهر لون لشعري مثل البني من غير صبغات شو استخدم ولون شعري اسود ومشكوووووووووووووووووورة
المشاركة الأصلية كتبت بواسطة ورد الجنه 
تنفع اللي شعرها اسود
انزين اذا ابا يظهر لون لشعري مثل البني من غير صبغات شو استخدم ولون شعري اسود ومشكوووووووووووووووووورة
هلا الغالية
اختي من يومين تمدح لي خلطة بالكركم
بسألها وبرد عليج إن شاء الله
المشاركة الأصلية كتبت بواسطة ريوف ابوظبي العفو عسولة
سبحان الله وبحمده,, سبحان الله العظيم..
انا توني صابغة شعري فرييييييييييييييييش ابي اتهنى بالصبغة وبس تنزل برجع اصبغ..
ما اعرف يمكن اغير راي لجدام واحني.مع ان الحنة ما تنفع عقبها اصبغ
وانا وحدة هاوية صبغ