شو رايكم فهالموقف لتربية الطفل

[]هلا خواتي شخباركم
أنا متزوجه صارلي تقريبا تسعة شهور، المهم ان زوجي يحب السفر وخصوصا تايلند وقبل شهر تقريبا قرر يسافر أنا عصبت لان من فترة يايين من شهر العسل وما توقعت انه يسافر من دوني مرة ثانية فزعلت واضايقت بس ما حبيت ابين له عساس ما خرب عليه سيرته….. بس المشكله أنه بعد يفكر يسافر فالصيف من دوني طبعا لان بيكون عندي بي بي وأنا ضد فكرة السفر وما أبغيه يسافر فكيف أتصرف احسني منقهرة ان كيف انهون عالريايل يسافرون عنا…..هل اتحسون عادي أن توه امسافر وبعد بيسافر فالصيف

الله يعيينج اختى

ليش يا غناتي مكبره الموضووووع قوليله ياريلي يا عزيزي ليش امعرس علمني؟؟؟( عشان تستقر ويا اعيالك) دام لك حق لنفسك واحنا وييين عنك؟؟؟

طبعا لاتضغطين عليه بروحه يبا يتفرج قوليله اتفرج وحوط بروحك الاويا الشباب هب معارضين بس النا حق نرتاح وياك لا تصير اناني …

حبيبتي الريال كل شي اييبه بالسياسيه لاتعاندين ولاتسكتين طولي بعمرج بس بسلوووووب تقدرين اتلفين مخه وانتي ادرى فديتج…

خليه يتعلق بج وبالياهل بسلوبج يالغلا …

والله يوفقج ياربيه …

من حقج تتضايقين يا الغالية
بس بحدود وكلميه بلطف
كوني واعية وهادية كثر ما تقدرين
وانا مع اختي البزية كلامها صحيح

مثل ما قالو خواتي ..
انتو بدكم توكم متزوجين … اكيد كل واحد بيكتشف الثاني اكثر

وبعدين كيف بيعرف ان انتي تتضاييقين يوم يسافر عنج وانتي ما قلتيله؟؟؟؟؟؟؟

خبريه انج ما تحبين ان يخليج ويسافر …
ناقشيييه …

الله يهديج

موفقه
تحياتي

بصراااااحه ابدااااا ما اداااااني ادمااان الريال على السفرررر خص لتااايلاااند ..

يعني في واحد نعرفه .. ريال بشيبته .. حضرته تعود من كمن سنة كل صيف يسوي المستحيل عشان ياخذ اجازة. . وسيدة هناك .. واخرتها .. طلع بس يقعد في هالفندق اللي ما يتسمى (( كل الشباب يعرفونه )) وما يطلع مولية ..

اممم ماعرف الغاليه بس لازم تتناقشين معاه في هالشي .. انا ما اشكك في اخلاااقه .. بس بعد .. مب حلوة الريال يتعود انه يسافر بروحه وانتوا في اول حياتكم مع بعض ..

ترا الريال على ما تعودييينه ..

لكن ييبيه باسلوب وسياسة .. يعني ابدا لا تحسسينه انج شاكه في سفراته .. بالعكس انتي واثقة منه .. لكن تحججي له بحايتج له .. وتدلعي عليه .. وفهميه ان هو مسؤول عنكم .. وان صدق انتي محتاية لوجوده .. وان بيتكم اولى بالمبالغ اللي تنصرف عالسفر خص اذا ما كان له داعي ..

واذا كان مصر .. ازعلي عليه .. بس بعد مو تزودينها .. يعني تغلي عليه .. وعامليه ببرود .. لبي كل طلباته بس بكل بروود .. وحسسيه ان خاطرج مكسور بدون ما تقوليها له في ويهه ..

يعني انتي حاولي لين حزة السفر .. وان شالله يغير رااايه .. بس صدق لازم ما يتعود انه يسافر اكثر من مرة في السنة لنفس المكان ومع ربعه بعد مش مع اهله ..

الله يسخره لج ان شالله ..