اذا كنتي متزوجه من 12 سنه بس ما ياكم عيال وكنتي فالبدايه مبسوطه ومستانسه ويا ريلج وفجاه ريلج تغير عليج بعد ها السنين كلها اللي عشتيها وياه بدون ما تعرفين السبب وريلج صار ما يحسسج باهميتج فحياته ولا يعبر لج عن حبه وكله يتعامل وياج بعصبيه ومنطنشنج ولا مسويلج سالفه واذا عرفتي انج مب من اولوياته فحياته من غير المواقف الصعبه اللي تمرين فيها وياه ويجرحج فيها بطريقه غير مباشره…يعني كانج مب موجوده فحياته وكل خميس ايي البيت متاخر من الاماره اللي هو يشتغل فيها بحكم انه دوامه مب فنفس المكان اللي انتوا عايشين فيه ..من غير الزامات اللي كل اسبوع يتحجج فيها…بس يعطيج بيزاتج ويوفر لج كل شي يقدر يشتريلج اياه بالفلوس…الا السعاده والحب والتفاهم والاهتمام ما يقدر يوفرهم لج ودايما هو بعيد عنج بفكره …وانتي دايما اللي تحاولين توفرين السعاده لنفسج بس بعد تحسين بنقص لانها مب من الطرفين … شو بتسوين وشو القرار اللي بتتخذينه تكملين حياتج وياه بدون حب وتفاهم واهتمام المهم انه يصرف عليج ويشتريلج كل شي يقدر يوفره لج بالبيزات ولا بتطلبين الانفصال وكل واحد يروح فحاله لان البيزات ما تقدر توفر لج الحياه اللي تبينها …وخاصه انج تتمنين تعيشين ويا انسان تحبينه ويحبج..
اتريا ردودكم بسرعه عشان اشوف القرار اللي اتخذته بعد ها العمر كله واني ضحيت باشيا وايد عشان اعيش وياه مبسوطه بس بدون ما يقدر تضحياتي … صح ولا بندم عليها
اتريا ردودكم بسرعه عشان اشوف القرار اللي اتخذته بعد ها العمر كله واني ضحيت باشيا وايد عشان اعيش وياه مبسوطه بس بدون ما يقدر تضحياتي … صح ولا بندم عليها
حبووبه لاا تتسرعين في اتخااذ اي قراار هذي عشرة عمر …يمكن ازمه و تعدي اصبري عليه
و الأفضل انج تقعدين معااه و تتناقشين معااه في الموضوع … و يمكن حيااتكم استوت روتين ملل بالنسبه له
فحاااااولي انج تغيرين من هاا الروتين
اصبري حبووووووبه ان شااء الله بي يوم و بتفرج
اقري البقرة وصلي القيام بنية هداية زوجج والله يهدي
مستحيل يقعد وياي عشان نتفاهم كلامه وقراره بس اللي يرن دايما فاذنه لانه ما يسمع الا لنفسه بس ولا يهمه حد ابدا ..وايد اختي غيرت فنفسي عشان ارتاح لكن ما ينفع وياه شي لانه عنيد واناني …الله يسامحه
الله يعينج على هاي العيشه ..
بس اتقربي من ربج اكثر في صلاه قيام الليل
وعسى الله يهديه
بس اتقربي من ربج اكثر في صلاه قيام الليل
وعسى الله يهديه
اتكلم معاه بكل صراحة و هدوء و شوفي شو هيقول و خذو القرار بهدوء
و ابعدواشو عن بعض يعني سيري عند اهلج شوي 10 ايام و ردي و شوفي شو هصير
و ان شاء الله خير
يزاكن الله خير خواتي ع الردود الطيبه
اخت مبتسمه ها القرار اللي اتخذته حاليا وان شاء الله يتغير لاني ما ابا اطلق …الطلاق وايد صعب خاصه للي تحب زوجها …وبخليه هو يتخذ القرار اللي يختاره ويشوف انه اريح له ….حتى لو كان ها القرار مب لصالحي اللي هو الطلاق
اخت مبتسمه ها القرار اللي اتخذته حاليا وان شاء الله يتغير لاني ما ابا اطلق …الطلاق وايد صعب خاصه للي تحب زوجها …وبخليه هو يتخذ القرار اللي يختاره ويشوف انه اريح له ….حتى لو كان ها القرار مب لصالحي اللي هو الطلاق