بنات بغيت اسالكم
شو الفحوصات اللازمه للزوج عند تاخر الحمل ؟؟؟
وهل فيه فحوصات عن طريق الدم بعد؟؟؟ولا بس للسائل المنوي؟؟؟
الاول
تانى يوم الدوره تعملى تحليل هرمونات وان شاء الله خير وبعدين تتابعى التبويض من يوم ٩ او ١٠ فى الدوره علشان تعرفى حجم البويضه لغايه اليوم ال ١٤ او ١٥ على حسب طول الدوره
ولو ربنا ما اراد يحصل حمل
بعد الدوره الجديده ما تبتدى اول ما تخلص بتعملى اشعه الصبغه وان شاء الله كمان سليمه وما فيكى الا العافيه
وبعد ما بتطلع النتيجه بتاعتها بيطلبو تحليل من الزوج للسائل المنوى
وبعدها خلاص
بس انا عملت دول وكانت كل التحاليل الحمد لله سليمه والتبويض كويس بس الدكتوره كتبتلى كلوميد (منشط للمبايض) حبايه واحده من تانى يوم الدوره لمده ٥ ايام كمحفز للحمل
وبردو بتابعى التبويض وفى ناس بتاخد ابره تفجيريه يوم ١٤ من الدوره وناس مش بتحتاج
انا محتاجتش الابره دى
ان شاء الله يا اختى ربنا يرزقك بالذريه الصالحه
هى دى تقريبا تسلسل المتابعه لتأخر الحمل
انا عملتهم كلهم وربى ما اراد الحمل وبعد ما وقفت الكلوميد ب ٤ شهور ربنا كتبلى الحمل بس ما اراد يكمل والحمد لله على كل حاجه نزل بعد ٥ اسابيع من الحمل
ودلوقتى بقالى شهر بعد الاجهاض ادعيلى ربنا يعوض عليا ويرزق كل البنات بالحمل السليم العافى المعافى