شو احسن صابون سائل للملابس البيضه و الملونه – ركزي سائل مب بودره ؟ و ين ممكن احصله ؟ شغل يدوي

هلا الغاليات –

عندي استفسار

شو احسن صابون سائل للملابس الملونه و البيضه و سعره مناسب مب غالي – ووين ممكن الاقيه ؟

و اللي عنده صوره للمنظف – الصابون السائل للملابس تحطه الله يرفع من مقدارها

لان ملابسي الخاصه ما احب اغسلهن بالغساله و لا الصابون البودره

و المخاوير بعد لازم باليد و صابون سائل لكن مب صابون احمر و اخضر و اصفر

كنت الفتره اللي طافت استخدم صابون الايدي السائل اللي ينباع بالجالون في المحلات و كارفور

يا شامبو ابيض يا صابون الايدي اللي بجالون و عسب جي حبيت اسئلكن شو احسن نوع و يا ريت يكون ابيض عسب اقدر اغسل فيه معظم الالوان

و لاهنتن

انشاء الله البنات يفيدونج

ممم والله انا ملابسي الداخليه استخدم صاابون ساائل من لاسنزااا
وحق المخاوير لان مالبسهن الا دقاايق مرات بشامبو ومرات بكوومفرت

واحيانا اودنهن بشاامبو العبي

صابون سائل من لاسنزا ؟؟؟

حلوه الفكره لان هل تختلف مكوناته عن اي صابون سائل ثاني ؟ و لا بس اسم الماركه اللي يختلف ؟

يا الله يا بنات شدو الهمه عسب الكل يستفيد

لقيت وايد منتجات حلوه في اللولو و اسعار مختلفه و منها صديقه للبيئه و اخذت 4 جالون من صابون السائل لليدين و ناويه اخلطه مع شامبو الصالونات ، لان عندي حساسيه من الصابون البودر و ما اقدر المسه

و يوميا غسيل ملابس داخليه و ملابس اليهال و جي يكون افدتكم و اللي عنده اي معلومات يفيدنا

انا استخدم فانيش السائل وهو آمن على الملابس البيضاء والملونه

فاااانش والله محد قده فانش سائل طبعا بس لونه وردي مايبقع عالثياب وااامن اغسلي مكان مافيه البقعه وررركزي البقعه قلت بعد ماتبللي المكان حطي فيه فانش سائل شوي وشوفي كيف تتطلع الفقعات تبدا العمليه هنا وخليه لمدة ساعه وبعدين جيبي اي فرشه وافركيه بشوويش او بيدك اذا اللبس اللي تغسليه خفييف وان شاء الله تروح البقعه
بس انا اغسل بالفانش يوم الثياب تكون مبقعه مع صابون تايد بودره وثيابي العاديه بتااايد فقط اللي معاه داوني ..