شكل الصدر والحمل ومابعد الولادة للصحة

هلا خواتي
علومكن؟؟
أبا أسأل سؤال دامي حامل لأول مرة
تعرفن ان شكل الصدر يتغير ويكبر
بس أنا أخاف من الترهل خاصة بعد الولادة
انا خلال فترة الحمل ماتحمل الستيان خاصة البوش آب او الي باسفنج وحديد
البس عااادي
بس خاف يأثر ع شكل صدري عقب!!
ش رايكن؟ حد عنده خبره

للرفع

اختي الحين ما تحتاجين لا بوش اب ولا اسفنج…
زيدي على رقم صدريتج رقم.. أو حجم الكب… شوفي اللي يريج..
واشتري من مذر كير صدريات الدعم (support) للحوامل… صراحة حلوة وقوية ومريحة…
طبعا بالليل أو وقت النوم ما يحتاي صدرية…
وبالعكس.. في فترة الحمل وبعد الولادة الصدر يكون في افضل حالاته ماشاء الله
لا ترهل ولاهم يحزنون….

زين الله يطمنج
بس احيد دوم اسمع الحريم ان الي ما ترفع صدرها عقب يطيح ويبلى!

لا محال الصدر يتغير ويكبر ويترهل
بس انتي داومي على الرياضه لشد الصدر بعد الولاده

للرفع

انا عني البس الستيان الي فيه حديد من تحت ومرتاحه معاه بس اني زدت على قياسي رقم كنت 36b والحين 38b