يمكن انطرح السوال من قبل ..
بس الصراحه دورت وماحصلت
هل المشي يسرع الولاده و لا بس يسهلها
قصدي اذا مشيت من الثامن بولد بسرعه ما بطوف التاسع و زود ولا ما ياثر بس يسهل ؟؟؟
امشي نص ساعه
يوم بتدخلين التاسع خليهم ساعه
لان مواليد الشهر الثامن احتمال وفاتها كبير جدااا بسم الله عليج
والافضل للياهل يكمل 9 اشهر تكون المناعة وصحتة افضل
بس قبل الولاده بيومين مشيت على الرمل مره وحده بس
وربيت قبل موعدي وولادتي ولله الحمد تيسرت
احس مايخصه في تسريع الولاده
بس هو زين لعضلات الحوض والريول
بس لا تمشين فترات طويله
حرمه خالي كانت تمشي ساعه ونص ومرات ساعتين
يوم الولاده كان الرحم عندها وايد مشدود قالت لها الدكتوره ها من المشي الزايد
قالتلها المفروض الحامل ماتمشي اكثر من نص ساعه
في الحركه بركه .. بس في الثامن ماانصحج ابد انا دوم اسمع من تخلصين اسبوع من التاسع تبدأين تمشين