شخباركم خواتي ؟!
حبيت اسألكم للي عندها خبره
بنت خالتي بكريه وهذا اول حمل لها كان عندها موعد بالاحد ،،
في نفس اليوم من الساعه 12 لحد الصبح الساعه 6 ،،
ياها ويع فظيع ف الظهر والبطن يتحجر عليها وما كنت تقدرلا تتنفس ولا تمشي،،
ويوم راحت المستشفى الساعه 9
سوولها تخطيط وقالولها فيج تقلصات ولاده
ويوم كشفت عليها الدكتوره قالتلها بسويلج الفحص الداخلي وطلع بس فاتح سانتي واحد ،،
وقالت لها
خلال يومين ان شاءالله اتكونين مربيه ،،
الخلاصة:
هيه تمشي من الثامن و واايد تمشي ف التاسع لمدة ساعه ،،
البيبي مب كل راسها في الحوض توها بدت تنزل عندها ،،
اتحس بويع خفيف وبطنها يتيبس عليها وما اتحس بذاااك الويع اللي بتموت منه ،،
تنزل عليها افرازات بيضا،، وما نزل عليها لا دم ولا تبطل الماي ،،
تشرب زعتر و تاكل اناناس .،،
بس الويع نفس ما هو من يوم الاحد،،
الدكتوره قالتلها تعالي سوي تخطيط باليوم الثاني اللي هو الاثنين بس هيه ما راحت،،
وقالت لها اذا زاد عليج الويع او تبطل عليج الماي او نزل دم تعالي على طول..
الخلااصة مرة ثانيه،،
واسمحوووولي على الإزعاج ،،
باقي على موعدها اسبوع ،،
هل تتوقعون انه الوحده ممكن اتربي خلال كم من يوم لو هو بس فاتح سانتي ،، ؟
او انها بتطول في ولادتها يعني بتتأخر اسبوع او اكثر ،، ؟
وهل عادي بتنزل النونو لو انها ما نزل كل راسها في الحوض ،، ؟
أتمنى اتجاوبوني ..
و ادعو لها اتربي خلال هاليومين
لآنه زوجها بيسافر في مهمة .. وهذي اول نونو لهم..
ودعواااتكم لي بالحمل السليم
والله يرزقج بالحمل السليم المعافى اختي ميمي..
تربي طبيعي حبيبتي في حريم تفتح عندهم النفس 1 سانتي او 2 من الشهر الثامن ويزيد وقت الولاده وفي حريم ينفتح الرحم مع الم الولاده يارب تربي طبيعي وماتحتاي للعمليه لان راس البيبي عادي ينزل في الحوض وقت الولاده والله يسهل عليها
والتمر الله يسهل عليها