ارجووووووووووووووووووووو مساعدتي ….
خواتي انا بدخل بالموضوع على طووول …لان نفسيتي وااااايد تعبانه <<<دعواتكم لي
من قبل 6 اشهر رحت للدكتورة ..وقالت لي من خلال السونو اللي سوته لي ان في لحمية في تجويف الرحم وهي صغيرة …وهذي اللحميه هي اللي سببت لي نزيف لمده شهرونص..
.. وهالحميه تكون مانع للحمل..لانها تكون مكان الجنين.. وبسبب وجودها ما قدرت تتوصل اذا الانابيب مفتوحه ولا فيها شي ..
وقالت لي لازم تسويها لي وتشيلها من مكانها والعملية بتكون للانابيب وللحمية بالمنظار…يعني منظار رحمي ..ومنضار بطني..
طبعا اناوالله وااايد خايفة ومب عارفه هل اسويها ولا انتضر الفرج من الله؟؟؟لاني ماكنت متوقعه ابدا يكون فيني هالشي…لكن سبحان الله لعلها خيره حتى نعرف سبب عدم الحمل…<<<<الحمد لله على كل حاااال.
وللعلم انا صار لي 6 اشهر وانا افكر ولا عارفة كيف اسوي …لاني انا اتعالج في مستشفى التوأم..ويوم خلاص ..صليت الاستخارة وقلت بتوكل على الله واسويها اتصلت في الدكتورتي وحددت لي الموعد تاريخ 23_5<<<يعني يوم الاحد الياي <<الله يستر ..والله والله وايد خايفه …
المهم ابي اعرف من اللي صار لها مثلي ؟؟؟
كيف كانت دورتج؟؟
وهل سببت لج نزيف مستمر؟؟؟
هل هي مانعه الحمل ؟؟كيف شلتيها منظار والا جراحة؟؟؟؟
وهل كانت عملية متعبه وبنج كامل ؟؟وهل فيه الام بعد العملية اولا؟؟
حملتي بعد ما شلتيها اولا؟؟
اسمحولي على الاسئله الكثير …وبس والله اني في حيرة من امري ومب عارفة كيف اتصرف ..
لكن مني دعوة في ظهر الغيب والله يفرج عليكن مثل ما فرجتين علي ….
وشاروي خواتج او ربعج،،، يني شاروي الي افهم منا بالهمواضيع،، وان شاء البنات ما بقصرن وياج
دام استخرتي توكلي على الله،،،،،،
الله يسهل عليج،،، ويشفييييييييييييييج ويكتب لج الذريه الصالحه يارب
للرفع ..
الله يارب يكون في عونك ويسرلك الي فيه الخير والصلاح
توكلي على الله .. المنظار سهل وان شاء الله ما عليج باس ..
كل شي تطور الحين وأغلب الناس مشكلتهم الحين لابد الحل بـ المنظار سواء تكيس أو لحمية والخ ….
وان شاء الله ربي يوفقج .. وتحملين 