سؤال لو سمحتوا ………. لصحة الجسم

السؤال الله يسلمكم .. انا ربيت في الواحة ويبت ولد الحمدلله وهوه بخير وعافيه فديته ..بغيت اسأل انا ما شقوني من تحت ويوم ظهر البيبي عورني وااااااايد وسألتهم صار جرح ولا لا ؟؟ قالولي لا عادي وانا الين الحين فيني الم من تحت بموت منه مب رايمه اتحرك زين ويوم جيكت على نفسي خفت من شكله احس شكله غريب مادري شو اسوي .. وريولي تورمن .. الله يخليكم منوه مرت مثل حالتي خبروني شو الحل اسير عند دكتوره اتشوفني ؟؟

اولا الحمد لله على سلامتك ومبارك البيبي
والله ما عندي خبرة واكيد البنات بفيدوكي
اما عن الشكل وانه انت استغربتيه كثير سمعت من ناس هاي الجملة يعني طبيعي على ما اعتقد

مرحبا اختي…اسمحيلي ما عندي خبرة بس انصحج تروحين عند الدكتورة

ألف الحمدلله على السلامه

و مبروووك على البيبي

اختي سيري عند دكتورة احسن خلها تكشف و ترتاحين في نفس الوقت..

لأنه لازم يخيطوون عقب الولاده…

انا نفس الشيء واايد حسيت بألم و يوم سرت عند الدكتورة كان متورم لي..و تمت تعالجه حقي لين ما خف..

الله يسلمكم ويبارك فيكم ومشكورات خواتي على الرد .. بس المشكله انا قبل لا اطلع من المستشفى يتني الممرضه وقالتلي عادي بس اقعدي على ماي دافي وبيخوز ….. بس انا تعبت مجرد اتغسل يحرقني وااايد .. بس ما اعرف اي دكتوره اروح الها ,, خايفه اسير ويقولولي خياطه مره ثانيه والله خايفه .. انا بتوكل على الله وباروح عند الدكتوره رخاء لاني كنت ارجع عندها قبل … الله يستر

حبيبتي ام لطيفة اللي عندج هو شق بس عشوائي لان البيبي يوم يظهر لازم يستوي شق في المنطقة والمفروض ان الدكتورة او النيرس اللي كانت وياج في الولادة قبل لا يطلع راس الياهل تسوي شق عشان يوم يطلع البيبي تروم تخيطه ويرجع مثل الاول بس من دام انها ما سوت جذي يعني الشق مش مرتب وصدق انه عادي لان مع الايام يلتحم ويرجع طبيعي بس المشكله ان المنطقة تتوسع وشكله مب طبيعي
عشان جذي الاحسن تسيرين عند دكتورة تكشف علسج وتخيطه زين اذا تقدر ونصيحة حق اي وحدة بتربي تقول لهم قبل الولادة انهم يسون الشق لانه يحمي المنطقة من الشق العشوائي حتى لو قالو لج ما في داعي

مرحبا .. الحين في حد ينصحني يا ناس شو اسوي .. رحت عند الدكتورة رخاء وشافته طلع بالفعل جرح والله شي يخوف حتى استغربت ليش ما يشقون ؟؟ بس قالت ممكن تستخدمين علاج ويتسكر بس ياخذ وقت وممكن يتخيط اذا تبين بس انا محتاره وايد شو تنصحوووني والله احس اني بصيح مع اني ارتحت وايد في معاملتهم معاي بس سبحان الله ….. معقول محد مر مثل حالتي ؟؟؟