خواتي انا مدخلة ولدي في حضانة صن رايز اللي في الظيت الجنوبي و هو حاليا في كي جي 1 و السنة اليايه إن شاء الله بيكون كي جي 2 وأنا محطية في بالي انه يكمل الكي جي 2 في نفس الحضانة لأن تعليمهم فنان و الأنشطة اللي يسوونها وايد حلوه بس الخميس اللي طاف حميتي تقولي طلعوا قرار أن هالحضانة مب معترف فيها من قبل وزارة التربية و التعليم وغرموهم 10 آلاف لأن هاي حضانة بس و مب للدراسه و قالت لي احسن الولد مايكمل كي جي 2 عندهم لأن صف اول ماراح يقبلونه في المدارس الحكوميه و على فكره هي بنتها كي جي 2 بنفس حضانة ولدي صن رايز و يوم سارت اتسجلها حق صف اول طلبوا منها الهويه وسألوها في أي روضة دارسه ولما عرفوا أنها في حضانة صن رايز ماطاعوا يسجلونها يالله بالقوه سجلوها وقالوا هالسنه بيعدونها على خير لكن السنه اليايه راح يشددون و ماراح يتساهلون بالموضوع و انا يوم سرت الحضانة استفسر من المديرة بخصوص هالموضوع قالت لي صح نحن مش تبع التربيه و التعليم بس عندنا تصريح قانوني و مرخصين ويلست تشرح لي أنه مطلعين قانون يديد أن صف أول لازم يكون 6 سنين وهو بيكون خمس سنين و ست شهور و الحين مب عارفه شو السالفة بالضبط احسن راسي يدور ادري اني طولت عليكم بس لازم اسجله كي جي 2 و مب عارفة ناس تقول مب معترفة و ناس تقول عسب العمر اوكي إذا كان عسب العمر يعني حتى لو دخلته روضة تبع الوزارة و التعليم هو إلا نفس العمر بيكون الصراحة مب فاهمة شي
لانه اكيد عندهم معلومات انه الحضانة ادرس للكيجي 2 اذا مديرة الحضانة تقولج عندها تصريح بها الشي
وعن العمر بعد استفسري منهم لانه كل شي هم مسؤولين عنه
فالاحسن سيري وتاكدي لانه مرات يوم تتصلين الي يرد عليج مب عارف ولا فاهم شي
واذا حصلتي معلومات من المنطقة التعليمية ممكن تفيدينا لانه اكيد في امهات مثلج محتاجين يعرفون تفاصيل
نزل قرار في الوزارة ان الروضة اولي حق عمر 4 سنوات والروضة الثاني حق عمر 5 سنوات وحق الصف الاول
الابتدائي 6 سنوات حين ما شي 3 ونص حق الروضة جان حضانه هي هذا القرار الوزاره الله يعينا