ربيعتي غامضتني
هيه معرسه من سنه تقريبا
ريلها كان وايد زين وياها يحبها وكل شي
تقول من كم شهر صار عصبي ووايد قام يسب (سبات قوية) ويتنرفز ع اقل شي
ابسط مثال هيه مول ماتقوله بطلع ولا تقوله ابا بيزات ولا تطلب وايد
مرة قالتله وايد ملل خل نطلع نتمشى شوي
قالتلي لما سمعها جنه ظهرله 66 الف يني جدامه وعصب وتم يسبها سب
اول فترة كانت تسكت تقول يمكن مضغوط اما الحين تتضارب وياه وتتلاسن وياه وعقب تتصلبي تصيح =/
يوم عن يوم عصبيته تزيد
قلتلها اعذريه لكن ماشي فايده تقول جربت ويا كل شي من الالف للياء بس ماشي فايده
وهيه مستغربة من تغيير ريلها لانه كان يموت عليها
الحين بدا يقولها اكرهج ويلعن الساعة اللي عرفتج فيها ومن هالرمسه
قلتلها قوليله يقرا سورة البقره يمكن يهدى شوي لما تقوله يعصب ويقولها انا متنرفز يصير خير
يسبها ويلعنها و يطيح فيها هزاب وعقب كم ساعة يقولها انا بدونج ما اسوا شي ويعتذر وبعد كم دقيقة يرد نفس الشي
تقول حتى مرة صاح جدامها قالها انا ماعرف شو بلاني وايد حاس باحباط وكآبه
حاولت وياه وايد بس يأست منه لانه من كم شهر جي مب يوم او يومين
انا قلتلها يمكن مضغووط او شي بس امور الريال كلها تمام وهو من النوع اللي يخبر حرمته بكل صغيره وكبيرة مايخش عنها شي بس وايد حاس باحباط واكتئاب بدون سبب
انا قلت اكيد حد صاكنهم بعين ولا مسويلهم شي لانهم وايد وايد كانوا يموتون ع بعض مع انه ما كان يعرفها قبل لا ياخذها ولا يعرف عنها شي
بس هم ما يبينون للناس انهم يحبون واااايد بعض يعني عادي جدام الناس بس بين بعض غير (( ما شاء الله ، الله يحفظهم )) لان ريلها متعقد من شي اسمه حسد
وهم مب من النوع اللي وايد يزورون الناس ، دوم فالشقة بروحهم واذا بيظهرون بيزورون حد يروحون بيت ابو ريل ربيعتي وبيت ابو ربيعتي بس وطلعاتهم كلها بروحهم شرات اي اثنين توهم معرسين
هيه تفكر فالاسباب اللي ممكن تخليه جي يصير وشكت ان ورا اكتئابه حرمه حلف لها ع المصحف ان مايعرف اي وحده غير حرمته واصلا ف دوامه ماشي حريم وهو بيتوتي مب وايد يظهر من البيت يعني مستحيل يتعرف ع وحده دوم ويا حرمته
قلتلها خبري حد من اهله او اهلج ع الاقل حد ثاني يشوف شو مستويبه دامه يتنرفز منج
قالت مايحب حد يتدخل ف حياتنا واصلا ما تروم تخبر حد لان اهلها مب من النوع اللي تروم تفضفضلهم
واذا صار شي بيتمون يعايرونها بريلها واهله ذا سيم
من رايكم شو تسوي وياه ، لاني حاولت اعطيها حلول بس كله تقول ما ينفع او جربت وما فاد
ربيعتي مول ماترمس عن حياتها ويا ريلها ويا اي حد وانا مب اني وايد وياها صح اني ارمسها من فترة لفترة بس مب ربيعتي الكلوووز
من شهر تقريبا اتصلتبها ع اساس اني بسألها عن شي عادي وسألتها بالمزح مافي شي ياي فالطريج جان تصيح وعقب خبرتني عن ريلها وتقول ماعرف ارمس منو
اول مرة اشوفها جي متضايجه .gif "12 (53)")
شو الحل وياها .. =/
ملاحظة : هيه ماعندها عيال ولا حامل وهيه ساكنه ف امارة وايد بعيده عن امارة اهلها
وسألتها قبل اذا عادي انزل موضوع اهني وقالت عادي لان محد بيعرفهم
يا اختي لما يعصب ماله داعي تلاسنه خلاص تدري انه معصب وبوقت عصبيته كل شي بيقول ولا تاخذ على رمسته تسكت وبس ليما يهدا
مع الايا ان شاء الله بتخف عصبيته ان شاء الله مع الدعاء والصبر الصبر الصبر
ربي يرزقهم بالذريه الصالحه
خاصه سوره البقره ويستغفرون
وان شاء الله كل شي بيكون خيرر
