مرحبا اخواتى عندى مشكله وهذى المشكله معوره ظهرى تبون تعرفون يالله الله يسلمكم كل وحده عندها سرير ودوشك طبى وانا عندى طبى بس تقريبامن كم يوم ريلى يقول انا مو مرتاح بهذا الدوشك وراح اشترى دوشك العادى اللين والمعروف الكل يرتاح بالطبى اكثر وانا منهم ومره قلتله ان السرير اقصد الدوشك عور ظهرى عصب وقالى هذا مومن الدوشك من الرضاعه الله يسلمكم لما اكون نايمه ارضع ولدى وانانايمه ومره ثانيه قلتله ظهرى يعورنى والله قاعده اكتبلكم والام فى ظهرى مثل الطلق وكله بسبب الدوشك عصب مره ثانيه وقال خلاص بروح اشترى سريرين وكل واحد ينام على سرير وضايقت وايد طبعا مافى زوجه تحب كل واحد ابصوب بعدين قلتله صح كلامك مو من الدوشك عشان يسكت والله عجيب هالريال شنو اسوى الحين اخاف اعيز من عوار الظهر وايد يعورنى وكله سبب هالريل لين اعيز عقب يدورلا وحده ثانيه هالريا ييل مالهم امان بس امشى وياهم باسياسه عشان ابتعد عن المشاكل ساعدونى
جربوا دواشج ايكيا هي مب قاسية شرات الطبي لكن في نفس الوقت مريحه و ماتعور الظهر
الغاليه سيري طبيب عظاام وافحصي عمرج يمكن فيج شي لا سمح الله
مب خسرانه شي الدوشق الطبي صح اوكي بس بعد مب طبيعي ان الدوشق العادي يسبب لج كل هالالم
روحي تلاحقي عمرج وانصحج تسيرين لأكثر من دكتور عظام وتجوفين شو يقولون لج
وربي يعافيج ان شاءالله
مشكوره اختى اموره وان شاءالله راح اقوله بس مو الحين
لاتخلين السالفه تكبر وتوصل لهاا المرحله""كل واحد يرقد فسرير منفصل""
لانه خلااص اذا تعود انسي يرد نفس قبل
اولا:- سيري دكتور عظام اوتاكدي انج ماتشكين من شي …
ثانيا:- لاترضعين البيبي وانتي منسدحه…..حاولي تاخذين وضعيه مريحه….
وثالثا:- دواشق ايكيااااا واايد حلووات جربوهن….
لانه خلااص اذا تعود انسي يرد نفس قبل
اولا:- سيري دكتور عظام اوتاكدي انج ماتشكين من شي …
ثانيا:- لاترضعين البيبي وانتي منسدحه…..حاولي تاخذين وضعيه مريحه….
وثالثا:- دواشق ايكيااااا واايد حلووات جربوهن….
اتمني فدتج بشئ
شي طبيعي يعورج ظهرج لو توج والده ترى يعور الظهر لمده ل 6 شهور او سنه لاتخافين ولا تضايقين ريلج
اذا تسكرت في ويهج اشتروا دوشكين مفرد(واحد طبي والثاني عادي) وحطوهم حذال بعض