رضاعة بنتي والمشاكل عالم الامومة

هلا خواتي حابه اخذ رايكم فشي اعتبره حاله نادره انا فالنفاس وكل وقت ارضعها اصيح مسكينه وحالتي تعب يوميا ريلي معاند فيني ولا يخليني ادخل الصناعي حياتي روتين يا ارضع والا اجابل الشفاطه كل ساعتين مانام الليل واعملت عمري وايد ضرت وحده عمرها 60 سنه قام ياكلني حبوب عشان يزيد حليبي قلت له مع الايام يخف. مب مقتنع يشوف ان الحرمه مكينه ادري بفوايدها الرضاعه ياما قنعته بس للضروره وقت الازمات والا اذا طالعه مكلن ظروري لان تعب علي اشلها وياي يصارخ علي ويقول ماتبين بدور وحده ترضعها وكله هللجمله علا لسانه حاولت المح له اني مالحق علا شغل ولا اروح مكان مافي حوار بيينا والله ولا اهتميت بنفسي لا من تزين ولا اهتمام بالنفس نفس ربيعاتي صوالين وغيره عشان تحس بفرق الوحده همه بس ايلس فغرفتي وارضع ولا اجابل حد اعتزل الناس ربيعاتي ي خواتي حتى لبسي مال رضاعه جلابيات نفاس معني خلصت ياني اكتاب اهملت نفسي يقول لا تهتمين بعمرج ماباج تعدلين لي يلسي فالبيت عشان ترضعين عقب بتقوم بتصيح وانا محد صار يحبسني وحارمني من الطلعه لمده 6 شهور ما اطلع وكله يبين ان طلعتي تافهه ومالها معنى اذا ابا شي شرطه اصور له الشي. اللي اباه وهو بيبه لي والله لا تمشيه ولا تغيير جو معني ييالي فتره نقاهه عقب الولاده والتعب والنفاس ماتوقعت جي فتره الرضاعه ياما مرضت وخذت ادويه ونا ارضع معني خايفه علا بنتي مضاد حيوي وغيره الحين نفسيتي تعبانه لان كل ماحطها علا. صدري اصيح من القهر تشرب بسرعه وفجاه ترجع ويدخل فخشمها وماتعرف تشرب كله تغص كله اصيح مايسمعني تعبت مسكينه كم مره اشفط لها وانا اكون طالعه مشوار مواعيد مستشفيات مايكفيها اخلي الوالده تسكتها بمصاصه او ماي وتصيح لين ماتنام علا يوعها مب حرام كل يوم انا افتح الموضوع ماعرف كيف الحل
حاكم علي اخذها كل مكان مولات صوالين معنه تعب عالبيبي اريح لها فالبيت عن الازعاج وبعدها صغيره او انحبس 6 شهور كنسل سفرتي معاه نغير جو بسبب رضاعه تخيلو تاخرت عن البيت وهي قامت تصيح والا ماكفاهاالحليب يلومني ويهزا فيني اني ما اتغذًى عدل وهاي من اهمالي واكلي جريت اخذها معاي المول تصيح واضطر اراكض ادور غرفه والا حمام انخش فيه وارضعها ولازم افصخ عباتي والمخوره لازم لان هاي لبسي ممنوع البس شي غير مخوره من عرست واتم بملابس داخليه ارضعها عقب ارجع البس يقول خلاص بنرجع البيت تخيلو ادخل مول ارضع ارجع البيت ماخلص والا اخذ اللي اباه واذا صاحت كل حد طالعني حتى مصاصه ممنوع ماي ممنوع مرات تغص يجبرني اعطيها حليب مازور حد ولا اجابل حد خواتي ماشوفهم ولا هلي قلت له بعتزل العالم بسبتك ويمكن اموت فيوم من الايام انا انسانه مب جماد الرضاعه ييالها جهد لدرجه اني اتعالج طبيعي عن ظهري انكسر انا مب عارفه كيف اوقفه عند حده ياما حلفت وقسمت وصحت عنده واترجيته اني ارضع صناعي مع طبيعي ومره وحده مب دون اذا عطيتها من صدري زاعت واذا عطيتها بالشفط صاحت ماتشبع وتمص اصابعها ذوم يقول ا ذا تبين هالشي وفكرتي بالصناعي بتغير عليج 180 درجه قلت له انا. راضيه وعند كلمتي قام وغير الموضوع شوفو معنه مايخصه

احسه يتمادى فيني ماعرف ومنحرجه ادخل حد من هله يقنعه ويفهمه للن نفسيتي داون ويوميا ضرابه بالفون علا هالشي حتى ان يالسه عند هلي انا ووبنوتي من خلصت الاربعين تعقدت صرت مارد علا مكالماته ابين له زعلي بس اخاف هالشي غلط ويينقلب علا راسي ابا حب قوي مرات اقكر مارجع بيتي ابدا اخاف يستغل غيابي الاحساس معدوم كيف تعبت ساعدوني

أقولك ترى البيبي يكبر يبه اكثر حليب انتي قولي ما فيني حليب قولي نقص حليبي أنزيم الحين البيبي كبر ست شهور اكلي اكل مهروس يعني بطاطس وجزر وكوسه وشوربا

لاحول ولاقوه الا بالله فعلا الرضاعه الطبيعيه متعبه وتعور الظهر خاصه لم طفل يرضع شوي شوي واااي تحسي خلاص انج حدج تعبانه ماادري شو اقولج بس من وراه ممكن تعطينه صناعي مع الراضعه الطعبيه

كمية حليبي ماتكفيها تشرب المرضاعه تخلصها وتصيح بس يشوفني اقص عليه تنام وهي يوعانه ويشوف بعينه

ياليت لو اقدر ناذر وعادي يطلقني بسبب هالشي

حرام عليه ريلج عنيد ويعاند بدون علم

وقفيه عند حده قولى له البنت بتموت او لو ماتبين مشاكل رضعيها صناعى بدون مايدرى

وقدامه سوى حالج ترضعينها وافتكى من المشالكل ولحقى بنتج والله ممكن تمرض بسبب عدم التغذيه

وانتى بعد صدرج بيترهل وشعرج بيطيح وبتضعفين

اختي الرضاعه الطبيعه كنز كبير للطفل اساليني انا ابني ما رضعته ودوم يتعب من اتفه طلعه زكام سيدا

بنتي تبارك الله مع انه سنة واحده رضعت لكن ماشاء الله صحتها كويسة

اذا تحسي انك كل ما تأكلين او تشربي الحيلب يزيد فمعليه تحملي واستمري في رضاعتها فترة وبتمر

لكن اذا تحسين انها تشرب من صدرك وترد تبكي وتهمسي ما يطلع شيء وما تحسي انه الحليب ممتلى بالصدر فدخلي الصناعي كرضعه في اليوم او ورضعتين

ومب شرط يعرف زوجك اهم شيء انك تسوين هالشيء مب لتعبك ولكن لجوعها اما التعب معليه كلنا نتعب في مثل هالفترة ونعاني مثلك من الطلعه والمولات لذا ننسى هالطلعات موقتاً

والله يصلح امركم