ردي على موضوع ولادة بدوووون الم من تجربتي ( بالابرة الظهر )) !!!!!!! تغذية صحية

اختي صاحبة الموضوع واخوتي العزيزات :

بالنسبة لهذا الموضوع وعن تجربة شخصية انا سويت هاي الإبرة في ولادتي الاولى تقريبا من ثلاث سنين ونص وكنت مضطرة بسبب ضعفي الشديد وحالة الاعياء الي كنت فيها فنصحتني الدكتورة اني اخذ الابرة لاني ماراح تكون عندي شدة للولادة الطبيعية وماراح استحمل الالم وفعلا اخذتها صحيح انها خففت عني الم الولادة شوي بس والله اني لغاية يومنا هذا ما خلصت من أثارها السلبية في اول شهر بعد الولادة ياني تصلب في رقبتي والم شديد في الظهر خصوصا يوم اسير وانتن بكرامة الحمام او يوم امد ظهري عالسرير ويوم خبرة اخصائي التخدير قال لي هذا شي عادي وبيستمر معاج فترة طويلة ممكن سنين بس خذي بندول وارقدي بدون مخدات عسب تنزل السوائل مرة ثانية للحبل الشوكي ويخوز الالم لان الابرة تنشف السوائل في الحبل الشوكي عسب جي ماتحسين بالالم.

المهم اليوم وبعد مامرت علي3 سنين ونص مازلت احس بألم شديديوم اسير الله يعزكن الحمام او يوم ارقد والالم يزيد في ايام الدورة الشهرية او بعد الولادات..

اليوم الحمد لله يبت 2يهال بدون مااستخدم الابرة والحمد لله ربي سهل علي ومااحتجت لهاي الابرة وبلاويها وغير عن هذا وذاك يوم يعطونج الابرة اذا تحركتي حركة بسيطة او اخطأ الطبيب في ظربها يستويبج والعياذ بالله شلل وتخيلي وانتي يعطونج الابرة يزخج الم الولادة تخيلي كيف مابتتحركين.

نصيحة في الله :

لاتستخدمون هاي الابرة وجربو تربون طبيعي هذا الي كتبه الله على بنات حواء تخلون هاي الاشياء تخرب عقولكم اما بخصوص القول ان الاجانب يستخدمنها ما تنسون ان ماعندهن ايمان ولا صبر في تحمل الالم ويبون كل شي بالجاهز.

وعلى فكرة الم الولادة مايخففه شي وفيه تكفير للذنوب وكلها ساعات وتمر ليش تعرضين عمرج للخطر عشان تحمل ساعات.

والله المستعان وربي يسهل على كل حامل الولادة

واسمحولي عالتطويل واتمنى من اختي الي كتبت هذاك الموضوع انها ماتزعل من ردي لاني اتكلم عن تجربة شخصية وبعدين اذا هي مب شايفة فيها اضرار فيمكن هذا جسمها اما غيرها من الحريم يمكن مايتحملن الابرة.

انا خذت إبرة الظهر فبنتي وكل وحدة وطبيعة جسمها ..

عن نفسي يلست سنة اعاني من ظهري خصوصاً يوم اتسبح أو يو أرقد ما اعرف ليش ..

والحين الحمدلله خاز هالويع ..

وبعد نزلت حرارة جسمي وصابتني رجفة كأني محطوطة فثلاجة والله من كثر ما حسيت بالبرد ..

وانا قريت إنا هالشي من سيئات الإبرة .. وهالشي يسبب تلف في الدماغ إذا ما لحقوا عليه بس

الحمدلله عطوني ابرة وردت حرارتي الطبيعية ..

واللي ريحني فيها إنه ماشي بوش أو بالأحرى شي بسسسسسسسط جداً جداً ..

فآخر ولادتي ربيت بطلق صناعي ( تحميلة + مغذي الطلق ) صح حسيت روحي كانت بتطلع

بس الحمدلله بفضل الله ربيت ومن عقب الولادة ما عانيت من أي شي يذكر ..

وبسسسسسسس .. هاي كانت بالنسبة لتجربتي للإبرة ..

ولو فكرت أييب عيال مستقبلاً إن شاء الله .. ما أفكر آخذ إبرة الظهر.. أتحمل ويع الولادة ولا ويع

الإبرة وسيئاتها إللي في بعض الأحيان تدوم للمدى البعيد ..

وكل وحدة ولها رايها الخاص اللي نحترمه كلنا