رحلة إلى تافولا وروائع اخرى وطبعا بالصور لعيونكم ولمغرورة ^^

[

هلا شحالكم ؟؟

زرت محل تافولا الموجود في دبي وحبيت انزل لكم مشترياتي وطبعا اشكر شيف شوكولاتة تعلمنا من مواضيعها وقمت اطبق وبحط لكم بالاسعار ^^وبعض صور من كارفور قمت بزيارته بعد ..

هذي صورة الكيس ادري مو حلو هع

اول شي ورق الزبدة اللي الكل كان يدوره وطبعا اسمه بالانجليزي PARCHMENT PAPER وخذته من عندهم:

ويستخدم ف الفرن تحت الكيك وشيف شوكولاتة تستخدمه ف الايسنج او الفوندان على ما اعتقد المهم نحتاجه

اشكال من القطاعات نستخدمه لتقطيع الفوندان والبسكوت وغيره :

اللي ف الوسط عبارة عن اشكال مختلفة جرس ووردتين لكن باشكال مختلفة وفراشة

اما الاول والاخير عبارة عن شكل ومتدرج ف الاحجام 3 قطع
اكياس للتزيين :

وطبعا في احجام اخذت الوسط فيه 12 حبة وعندهم القابل للتنظيف يبناع بالحبات وفي حجم عود والرووس متوفرة عندهم علبة فيها مجموعة من الرووس وفي رووس معروضة بالحبات تختارين اللي تبيه سواء كان الرأس ضعيف او الراس كبير وخذت انا حجمين وهاذول هم :

اسمحولي يمكن ما تكون واضحة الصورة عدل
الصغير راح استخدمه للنقط او للكتابة ع الكريمة والعجينة لانه ضعيف ما راح تنزل منه كمية كبيرة
والعود للكب كيك وعندي مجموعة منه من مكان ثاني بنزله ف نهاية الموضوع عشان ما تتداخل عليكم المعلومات ..
ملونات الطعام :متوافرة ف الجمعيات ب 4 الوان ازرق احمر اخضر اصفر فقط لا غير هذي صورهم:

اما ف تافولا لقيت مجموعة حلوة من الالوان اخذت 3

الوردي نوعين في روز عبارة عن فوشي او وردي غامج و ال pink وردي عادي فاتح واسود وبرتقالي ..

اما الالوان الاخرى المتوافرة ازرق- وازرق سماوي (فاتح) -اخضر واخضر فاتح – واحمر واصفر وبرتقالي وبني واسود وبنفسجي وبطيخي ولون اعتقد اصفر بس كان فاتح

هذي الاشكال وايد عيبتني وخصوصا استخدامهم للشوكولاتة ممكن نعبيهم شوكولاتة ونحط فيه اخذت 3 اشكال شكل الهدية وشكل القلوب وشكل الاوعية او الباولات الميني الفراغات عبارة عن 16 فراغ

الطريقة :عبارة عن تذويب الشكولاتة في كيس بلاستيكي ف مكروويف او ع حمام مائي ونعبى بها الفراغات وبالنسبة للاوعية ممكن نعبيهم بالكامل او نحط كمية قليلة وندهن بالفرشاة الجوانب وعقب نعبى الداخل كريمة او اي شي ثاني …
ونقدر نستخدمهم زينة للكيكة ناخذ قطعة من عجينة الفوندان او المارزبان او الايسنج ونلون ونحط فيه ولما يجمد نحطه ع الكيك فكرة حلوة وانصح بالايسنج لانه سائل سهل الوضع لكن لازم اول شي نحط لون للشريط نخليه يجمد بعدين لون غير للتكملة لو حبيتي بكبره نفس اللون عادي <<مجرد افكار

الشكل من الخلف:

وفي عدة اشكال وديزاينات مثل الكرة واشكال المواليد الجدد عبارة عن دبدوب وعربانة وهذي الامور وشكل قلوب آخر عبارة عن قلب وراه طبقة غير ….الخ من الاشكال

شيف شوكولاتة استخدمته هذا رابط الموضوع:
https://forum.uaewomen.net/showthread.php?t=811647
الفكرة رقم (5) …

واخيرا وليس اخرا

نضع الكيك عليه ونزين الكيك كستاند من تحت

واتمنى عجبتكم مشترياتي وهذا رابط مشتريات الشيف شوكولاتة فيه مشترياتها :
https://forum.uaewomen.net/showthread.php?t=891136

ما استغنى عن مواضيعها ف مواضيعي ^^

وبالنسبة لتافولا مو موجود الا ف دبي ولكن له عدة فروع ف دبي عسب ما مكتوب ع الكيس موجود ف مردف ستي سنتر ومول الامارات و سنشري بلازا و سبينس سنتر و تاون سنتر وميركاتو مول ودبي مول وموجود ف كل دول الخليج ..

وانتهت الرحلة لتافولا …

اترقبوا تكملة التقرير

دايسو :
قبل فترة خذت من دايسو بعض الامور حبيت اراويكم اياها

اكياس للتزيين فيه 8 اكياس لكن ما انصح فيه لانه وااايد عوود فينفع للي يسوون كميات كبيرة لكنها ممتازة وتنفع ..

قطاعات قلوب ونجوم حجمين ^^
ورووس الكريمة خذت من دايسو لكن للاسف ما صورتهم حلوين واحجامهم وسط

وزرت كارفور وحصلت مجموعة اشياء ما اشتريتها لكن حبيت اعرضها لكم للاسف برجع انزلبعض الامور اللي صورتها ( سمن كرسكو اصفر لكن ما حصلت ازرق للاسف وعجينة مارزبان حجمين حجم كبير وحجم صغير وموجود عندهم جلسرين ) لي عودة بتنزيل الصورالمتوفرة ..

اتمنى موضوعي نال اعجابكم واتمنى دعوة حلوة منكم صوت مو كتابة

واي استفسار تفضلوا