خواتي دخيلكم شوروا عليه …… تأخر الحمل

أفضل إنج ما تستخدمين حبوب أختي كل يوم يكتشفون اضرارهم الله يبعدج عن الشر

والله يفكنا من المتن اللي قاضي علينا

هيه نسيت ارد السلام عليكم السلام ورحمة الله وبركاااته
والله يرزقنا الرشاقة

حبيبتي ماشي اسمه حبوب كله مامنه فاايده والله انا بروحي جربت وواييييد بس ولامنه فااايده

والله ماشي غيير الريجيم والريااضه صح صعب النزول ومرات يكوون بطئ بس الواحد يتحمل ويصبر والله انا صار لي سنتين والا اكثر يمكن اسوي ريجيم والحمدلله نزل وزني واايد وصبرت والواحد لازم يصبر ويتعب شووي ولاتيأسي وتضييج بعمرج سووي ريااضه وتخفيف وصدقيني ماشي فاايده من الحبوب انا عن تجربه اقوولج ونصيحه انا ماخليت حبوب كل شي جربت بس ماشي فاايده

والله يووفقج

والله نفسيتي تعبانه مب عارفه شو اسوي تعبت من الرجيم واذا وقفت رديت امتن اكثر عن قبل

اهم شي تاكلين اكل صحي

وكلي نص او حتى ربع الكمية اللي كنتي تاكلينها

واحسن حل تاخذين الصحن المقسم اللي شرات مال المستشفيات واليهال

وتحطين فيه من كل نوع شي بسيط لان اصلا الاقسام تكون صغيرة

وحاولي تمشين يوميا او اشتري جهاز السير

ولا تنسين انج مرضع وعندج بيبي — الله يخليها لج— فلازم توازنين بين الامرين

والوزن مرده بينقص

شوفي انا صار لي شهرين ونص من بداية الدايت — التخفيف — والحمدلله وزني نزل

شوفي نظامي

الريوق اليومي

توست اسمر 2 او صمون 1+ ملعقة جبن او لبنه لايت + كرك او عصير اولبن منزوع الدسم ( المتوفر )او كورن فلكس سبيشل كي مع حليب منزوع الدسم

الغدا

من اكل البيت بس ما اكل العيش

بس اخذ لي قطعة دياياو سمج او لحم من الصالونة او المجبوس او البرياني واكله بالشوكة

واحط لي صحن سلطة واحيان احط عليه روب وافتت فيه الدياي او اللحم او السمج مع برتقالة

العصر او المغرب امشي نص او 45 او ساعة احيانا

والعشا

برجر او تندوري او كباب مشوي في الفرن مع شوية بطاط مشوي واحطه في توست اسمر مع خس

او خيار بالروب

او نودلز — ممكن غدا وممكن عشا

يعني اشياء تقدرين توسينها بنفسج

واذا ما تقدرين تسوينها اشتركي في شركات اللي توصل لج الاكل الين البيت

بس بصراحة اشوف اسعارهم غاااااااالية والاحسن انالوحدة روحها تسوي اكلها ع الاقل بتتحرك بدل القعدة طول اليوم

وموفقه

للرفع