خواتي بغيت اشاوركم في سالفة بشكارتي الفلبينية اليديدة.. وهي مسلمة
المهم.. يبتها من اسبوعين تقريبا.. وهي طالعة قبل ست شهور من الامارات ..مشتغلة سنتين في
العين.. والمكتب سلموني موبايلها يوم سرت اخذها.. عقب يومين يتني تقول تقدرين تعطيني الموبايل
ترا اهلي بيطرشونلي مسجات.. سالتها عندج بطاقة من الامارات .. قالتلي لا.. والحينه اكتشفت عندها
بطاقة من الاتصالات بس لين الحين ما رمستها عن هالسالفة.. وشغلها مول مب نظيف ونبهتها كذا
مرة.. تقوللي مدام انا قبل بس اشوف العيال وما اشتغل شغل البيت.. مع اني قلتلها عن بعض الاشغال
اللي المفروض تسويها بشكل يومي.. بس بعد اشوفها ما تسوي اللي اطلبه منها.. ودايما تلف حجابها
على ورا ..ويوم تحط شي عالارض صدرها يظهر.. خاصة جدام ريلي.. وجدام اخواني المراهقين في
بيت اهلي.. وانا هالشي الصراحة ما يعجبني .. ويوم رمستها تقوللي مدام حر.. مع انه المطبخ فيه
مكيف وفي غرفتها مكيف .. وهي مب تحت الشمس .. ومن كم يوم دقيت عليها باب الغرفة الساعة 11
في الليل بطلتلي الباب وهي متفصخه وميودة الفوطة من صدرها لين فوق الركب.. انصدمت صراحة
وما قلت شي .. خذت اللي اباه وطلعت.. والله مب عارفة شو اسوي..
اخليها واتحمل .. ولا اردها المكتب واشوفلي وحدة ثانية.. فلبينية او اندونيسية..
شو راي خواتي اصحاب الخبرة مع الفلبينيات.. مع العلم اني ما احب اييب مسيحيات..
ويزاكم الله خير
أكيد في العشرينات
أختي رديها المكتب شكلها يايه ادور بويفرند مب يايه تشتغل
أنصحج اذا بتييبين ييبي وحده عمرها بين 35 و 40 أما الصغار خطيراااااااااااات
اخر شئ يبت فلبينيه مسيحيه وما يسوى شغلهاااا عندي شئ من شغل الشغالات القبليــــآت..
نظااافه ما شاء الله نظيفه…
رحـــآمه م شاء الله رحومه على عيالي وحبوبه ..يعني ما اشوفهااا تنازعهم او تزاااعج عليهم ..مع ان ما اخلي عند الخدامات..
وتسمع الكلااااام وبتشتغل من الخــآطر..
لو انا منج أول ما بشوف تصرفاتها بهالطريقة بستغي عنها … هاي من البداية جيه .. شو خلت حق عقب …. … غيريها … وربج يعين..