حبيت اتشاركوني رحلتي الأكثر من روعة ويا ريلي وعيالي من أحلى يومين وفي هذا الجو بعد
إلي يشجع طلعنا من البيت عقب صلاة العشاء بوقت
وكانت مفاجأة من بو العيال وكنت ماأعرف وين بنسير ولا عندي فكرة
وطلعنا وخذنا طريج دبي بوظبي على بالي بنسير بوظبي بس
طلع المكان في دبي وهاذي ثاني مره اسير له قبل 3 سنوات تقريبا بس ماتمشيت فيه وايد قبل
بس الحين ماخليت فيه بقعه
خخخخخخخخخخخخخخخخخخخ
وكان حاجز جنيور سويت والغرفة عوده وحلوه اول شي بحطلكم صور اللوبي
وهاذي الغرفة بس الصورة من النت لاني ماصورت
بس ماكان شي حاجز بين السرير والصاله كانت غرفة وصاله على بعضها
وكنا ماندري انه في مجمع عدالهم فيه شقق فندقية اكتشفناه ثاني يوم ونحنا نتمشى فدخلنا
وسألناهم كنا نبا نحجز حق أهلي بس كله فــــــــــــل بس حصلو غرفة وصالة
وهاذي ماتكفيهم وقلنالهم نبا نشوف الشقة كيف شكلها ابصراحة روعة واستحيت أصور
المهم بخليكم ويا الصور
هذا اللوبي تابع للشقق الفندقية
وهاذي الصالة
يتبــــــــــــــع محد يرد
سوري النت علق عندي ماادري شو ياه…….نرد لمحور حديثنـــــا
وهنيه الغرفة الرئيسية الصور من موقعهم
وهاذي الغرقة الثانية
وهذا المطبخ روعة فخم ومرتب ونظيف وادوات المطبخ مرتبة
ابصراحة الشقة ماعليها كلام في الطبيعة
نرد لغرفتنا ماصورتها كلها ابصراحة
هنيه ممر وسيع فيه الكبت وداخلة كواية وروب وسليبرات ماصورتهن نسيت
وهذا الكوفي ميكر والميني بار وفي بعد علبة للثلج مااعرف شو يسمونه لانه في كحول في الثلاجة اعوذ بالله
المهم هذا الحمام وسيع
الحوض والشور
حتى حاطين ميزان
ونسيت اصور المغاسل
يتــــــــــــــــــــبع محد يـــــــــــرد
وهذا مطعم إيطالي أحيد كل مانختار شي يطلع فيه لحم خنزير يمكن اكلتين 3 بس مافيهن واخر شي كلنا بيتزا خضرة
وباستا صوص وجبن استوينا نباتيين خخخخخخ
هذا اظني مجمع شقق
اخليكم مع الصور
يتبــــــــــــع محد يـــــــــــرد
وهنيه ونحنا نتمشى شفنا حديقة صغيرة وفيها مكان للتنس اعتقد ومكان لكرة السلة مقسمينها يعني
وهذا مكان للاطفال
وفي مكان فيه كله مطاعم يعني مدينة متكاملة فيها كل شي حتى عندهم مول صغير نسيت اصورة لا تلوموني
وياية صغارية
وشي سوبرماركت شويترام كبير فيه كل شي
وحتى ماكدونالدز موجود طبعا
وكان بسيط
واخيرا نستودكم الله الذي لا تضيع ودائعه
اه ه ه ه تعبت من التحميل النت عندي بطئ بس علشان خاطر بنات المنتدى شديت حيلي
وعن الفندق كان كل شي حلو ماعدا اكلهم مب لين هناك لا بوفيه العشا ولا بوفيه الريوق يعني لاتفكرون تاكلون من الفندق
ويهتمون بالاجانب أكثر طبعا
بس كان حلو وكل شي عداله وسعر الليلة جونيور سويت ب650درهم بدون ضرايب وخدمة
ونحنا بتنا ليلتين طلع 1140درهم اظني
والشقة الي فيها حجرة ب850بدون ضرايب وخدمة
والشقة ام حجرتين ب1000درهم بدون ضرايب وخدمة
وأي سؤال حاضرة
وسمحولي على الصور ماصورت كل شي عندي صغارية الله يحفظهم ماخلوني
يالله هالله هالله بالردود الحلوة ……مع السلامة