شحالكم …
بغيت أسألكم …. عن حفلة المجله .. انا ابا اسوي حفله ع اخر 6 وفي البيت والجو حار وما يسااعد محتاره في وايد اشياا …
مع انه بيتنا كبير ويساعد اني اسوي بوفييه .. وكوشه حلووه ..
بس الجو وايد حار وما يساعد … وربيعاتي اقترحو علي .. اني اسوي حفله واطلع عاادي وعقب ايلس في الميلس … لانه ابرد لي ومكياجي ما بيخترب ..
وانا خطيبي ما بيدخل .. اخته بتلبسني … وهل الشي مخلني احتار اكثر
حلات الملجه انه الريال البس الحرمه بس دامه يستحي .. ويقولون حرام .. اكيد احترم راايه ..
وساعات اقول ما يحتاي اسوي دامه ما بيدخل …
وتحسون قبل الملجه بأسبوع اقدر اخلص اموري كلها من فستان لمكيااج !!! ولا لازم ادور قبل بوقت !!!!
ولا خلاص ما اسوييييييي … ؟؟؟؟
وبالنسبه للمعرس عالاقل لو يدخل يلبسج الذهب وعقب اتدشون تتصورون … بيكون احلى جيه !!
واذا ما بيدخل جدام الحريم خل اخته تلبسج وعقب سيروا اتصوروا رواحكم داخل مب جدام الناس لول …
بس لا تفوتين الحفله لانه ذكريات حلوه ما بتنسينها وخاصة الصور بتم عندج للأبد انشالله ^^
بالنسبه للفستان حاولي اتدورين قبلها باسبوعين ع الاقل … اذا تبين تشترين تقدرين اتسيرين البستان …
محل اورجوان وريفا و سلسبيل … فساتينهم احلى عن باقي المحلات وارقى … وتقدرين تلفين المحلات الباقيه بعد..
بس لا تقوليلهم انج عرووس عسب ما يضربون عليج بالسعررر …
وجان بغيتي فستان وايد ثجيل وشغل علييه من الخاطر .. تقدرين اتأجرين من محلات الفساتين الي ع شارع حمرعين … بس نصيحتي تاخذيلج فستان شوي سمبل ويتم عندج ابرك من الايجار الملبووس ^^
وبالنسبه للمكياج والشعر … انا ف ملجتي سرت صالون واحة الجمال ف مردف … تسريحاتهم ومكياجهم طرر وخاصة الي اسمها حلام مكياجها حلووو … سوي اسبشل بس لا تقوليلهم انج عروس بعد ^^
او اذا بغيتي صوب جميرا صالون مورا … لكن شخصيا ما حبيت اسير عندهم لان حسيت اسلوبهم ماعيبني يوم اتصلتبهم ^^ اونه ما عندنا حجوزات ف الويك اند الي تي قبل نبداا فيهااا !! @_@
وجان بغيتي تيبين حرمة اتمكيجج ف البيت .. احجزي باسرع وقت لانه نهاية 6 زحمه اعراس ماظن اتحصلين وحده اتييييج ^^ بس احس دامنها ملجه ف اذا اتسيرين الصالون روحج احسن ..
وسيري اتحني ف الحمريه صالون الباديه او هيفا او بثينه .. شغلهم حلوووووووو …
وبعد لا تقوليلهم انج عروس 
والله يوفقج انشالله ويتمملج على خيرررر وتطلعين احلى عروووووووووووس ^_^
ان شاء الله … خير … الله ايسر الامور
باجر بطالع كل شي قلتيلي عنه … وبتواصل وياهم
يسلمو
ما قصرت ..كفت ووفت
وصح كلامها خذي سمبل وايد احلى بسس طبعا فخم
ونصيحتي لا تخلين عمرج لأخر اسبوع رتبي كل شي من الحييين
والله يتمم لج على خييير
دوري لج الفستان قبل الملجه باسبوعين ولا 3 اسابيع …..لان صدق هم …واللي موجود في السوق ما يعجبج ….ولازم اتدورين من محل الين محل …ومن حرمه الين حرمه …………..على الاقل اذا ما حصلتي فستان جاهز …شي مصممين يفصلون لج فستان في اسبوعين ولا 3 اسابيع ..
ابتعدي عن اللون الابيض والبيج والفضي والذهبي ….عسب تتميزين في يوم العرس ………….والفستان يكون بسيط ومنفوش …
المكياج والشعر …احجزي لج من الحين ….لان وايد زحمه عليهم ………واطلبي المكياج الهادي ….
الله يتمم لج على خير …ويوفقج ويسعدج
ووقت العشا بيطلعن يتعشون واطلبي من المحل الي بتسوين فيه بوفيه مراوح انا شايفه في كذا مناسبه وبيبون لج
وانتي خليج بالميلس وسوي لج كوشه بسيطه
كوني جاهزة من العصر او قبل المغرب قبل ما اين الحريم وخليه يدخل وتصور معاج ووقت صلاه المغرب تراه بيروح والعرب يبونكم
وخلاص
*¤*~ لا إله إلا الله وحده لا شريك له ، له الملك وله الحمد وهو على كل شئ قدير".*¤
.
.
{يا مقلب القلوب ثبت قلبي على دينك}