حبـَوب TRETIN ، تفضلــَوا بنـآات . . مشاكل السمنة

.
.

أممم حبيت اخبركم عن تجربتي ويا حبوب TRETIN ..
قبل 4 سنـوات اظن كنت وايد اعاني من حب الشباب *خاصه ظهـَري و صـَدريّ*
و طشونه يهبـتي ،، و يتني فتره تطلعلي حبوب ف رقبتي صغار بس وايد يعورن !!!

، ،

السنه الي طآفت سويت ليزر حق رقبتي وانا ع ويه سفر ،، وياليتني ماسويت من سافرت طلعولي حبوب واااااااايد و بغيت اموت !!! اقول فخاطريه مايسوا عليه هالليزر الي سويته
و يوم سرت للدكتوره قالت * هالشي عادي لانه الليزر قوي شي جيه >< ماعرف شو خبصت * وحليلي تميت اعاني وايد ،، لين ماسرت عند دكتـوره فـ سمنـَآن ، وقالتلي ها مب من الليزر وجـي وعقب قالت بعطيج حبـَوب TRETIN حق 6 شهـوور!

بس اول شي لازم تسوين تحليل دم ،، قلتلها مب مشكله .. بس سالتها ها نفس كرتزون؟ قالت لا هذا اخف واحد و وايد زين ،،
لانه ينظــفّ الدم . . لانه قالت الكريمات وهالسوالف تعالج الحبه من برع مب من داخل .، قلت خلني اجرب ..

.
.

فالبداية عطتني بوكس واحد حق شهر .. من غير Sunblock و كريم ترطيب و لوشن حق الويه يخوز المكياج ،،

يوم بديت استخدم الدوا ،، خـدّي من تحت صابه جفاف فضيع لدرجه انه استوا ويهي لونين هههه كان يبين مكان الجفاف مبيض و فوق لوني الطبيعي -__- !
*اقول فخاطري جان زين تغير لوني بكبره ههههه *

. .

كنت دوم لازم احط فازلين والحمدالله مع الايام ،، وعقب يوم خلصت البوكس الاول سرتلها كتبتلي بوكسين .. حبه يوم و حبتين اليوم الثاني .. *اخلص كرتونين ف شهر*..
فهالشهر ويهي ما استواله شي .. الشي الي عذبني و لين الحين معذبني هوه (شفايفي)
آآآه مستحيل استغنى عن الفازلين .. قبل لا ارقد لازم فازلين والله لو ما احط اليوم الثاني انا ميته !!
وانا من النوع الي وايد العب بشفايفي وخاصه يوم اتوتر او اكون ملانه >< !!!
ويتني فتره لا اروم اكل ولا اروم اضحك *اغمض* ، اقووول حق ربيعاتي "لاتضحكوني شفايفي بيتقطعن" بس ماشي فايده هههه ..

.
.

بس الصراحه الدوا نتايجه روووووعـَ ه !
*وداعاً للمعانــَاآه*
كانو يطلعولي حبوب صغــّار ع يبهتي ،، واتم اتحرطم اقول الحين هالدوا كيف بيشلهن
بس والله عقب فتره اختفــّوو الحمدالله وايد استانست .. حتى صدري و ظهري .. * ماشاللـَ ه عن احسد عمريْ هههه *

صح اني وايد اعاني من شفايفي .. بس متحمله ،، قريب بخلص الدوا و امييه دوم تحتشر عليه تقولي مايســـَوا عليج هالدوا الي تاخذينه . . اقولها ماعليه مابقى شي بخلص و بفتك !!!

.
.

لين الحين مرتين سويت تحليل دم .. اول ماييت عندها و المره الثانيه عقب شهرين اظن ..
وطبعـَا ممنـووع حق الحوامل لانه ياثر ع البيبي ..
من غير الجفاف ، الشعر يطيــَح و قريت فالورقه بعد : آلام العضلات و المفاصل
وجفاف العين ..

الدكتـوورة واااااااايد طيبــَ ه .. و قبل شهر جربت ليزرها حق رقبتي حسيت انه اوكيه .. وافكر اسوي حق ويهي ، .

.
،