حبايبي الدبدوبات <<<< وانا وحده منكم طبعا
شو اللى وصلكم لهذي المرحله ؟؟
وشو اللي دفعج هالوقت بالذات علئ الرجيم ؟؟؟
او منو كان السبب؟؟
متى اخر مره كنتي بوزن مثالي او قريب منه ؟؟؟!!!
شو الأشياء اللي انحرمتي منها بسبب وزنج ؟!!؟!!
وكم نقصتي لين اللحين ؟!!
وشو بودكم تقولون للي بعدها مانوت تضعف؟!!!؟
يالييييت تجاوبون على اسألتي وصدقووووووني بتكونون مصدر الهام لشخص بعده مابدا .،،،.،،،.،،،.،،،.،،،
في انتظاركم حبايبي.،،،،.
———————-
اولا الحمد لله ع كل حال اهم شي الصحة والعافيه فالدنيا ودام كل واحد جسمه صحي ومتعافي يقدر ع كل شي
انا طبعا انا وحده من المربربات
واللي دفعني لــ هالمرحله الضرب بالخمس فالاكل والحمال والولاده صراحه مليت من جسمي ومن شكلي وما اقدر البس اي شي وخاصه أني بعدني صغيره واحس المتن كبرني وعزمت أني اضعف والحمد لله خطيت خطوه كبيره نقصت تقريبا 35
كيلو بس طبعا مب ورأ بعض بينها فترات خاصه أني احمل واربي واكمل حاليا وزني 76 وطويل 169 يبالي بعد 10 كيلو انقصهم مع الكل يقولي خلاص انتي كذا حلوه وجسمج أوكي بس انا بعد أبا احس بالرشاقة اللي مفتقدتنها من ذو زمن خخخخخخ
مع أني ألاقي تحطيم من ريلي مايباني اضعف وكل مايشوفني يقولي باسم الله وين اللي كانت مليانه وحلوه وخدودها مورده يحسسني أن وزني الحين 30 بس انا ادخل من أذني اليمين واظهر الكلام من اليسار اهم شي انا اقتنع ف جسمي اهم شي انا أرضى ع عمري وأكون واثقه ما يهمني رأي حد حتى لو ريلي انا أبا اضعف واكشخ لعمري اولا ولريلي ثانيا انا مب من النوع اللي يتأثرون بكلام أزواجهم لان الرياييل مامنهم أمان عادي يقولج انتي كذا حلوه وعقب يسير يتزوج عليج وحده ضعيفه
انا الحين الحمد لله واثقه في عمري وبديت اكشخ واهتم فعمري اكثر لانه جسمي يساعدني البس اللي أبا وبدون إحراج وغير ان الكل منهبل مني كيف وصلتي هالمرحله وشو سويتي طبعا اللي وصلني هالمرحله الرجيم والرياضة لاسويت قص معده ولا ربط ولا بطيخ انا مب مع هالاشياء أبدا
وأنصح اي وحده مليانه تهتم ف عمرها ولازم تضعف وتسترد ثقتها في جسمها وفي شكلها والله الرشاقة إحساس ثاني خاصه عقب المتن واللي ضعيفه وزنها مثالي اثبتي ولا تخربين جسمج تراج بتندمين عقب مثلنا وبتكون البدايه صعب عليج يوم تبين تردين لــ وزنج السابق
وسلامتكم هذي تجربتي
عيني علييييييج باردة
صح ماشي مثل الصحه ،،،،
ماشي مثل الرجيم والرياضه،،، انا ماخليت شي في العالم ماجربته حبوب اعشاب كريمات خلطات شاي. قهوه ،،،، الرجيم السريع دون رياضه،،، لكن باللاخير ماستفدت عقيت مبالغ بالاااف للي مايخافون الله ويتاجرون باحلام الناس،،، وكل مره يزيد وزني لين ماصارت زيادتي كيلو اي مايعادل وزن انثى مربربه
والحمدلله اة الله عطاني العزيمه رغم كبر الوزن اللي ابا اخسره الا ان ارادتي اكبر ان شاء لله
الرجيم رااااحه نفسيه مالها اول ولا تالي
،،،،،،،
انا كنت رشيقه بس من بعد الحمل والولاده صرت دبدوبه
الحين خاطري اضعف انزل 10 كيلو لكن المشكله اني احب الاكل ولما ابدى الرجيم يزيد عشقي للاكل
احب لبس البنطلونات ومحرومه منها واحب اكشخ لكن بعض البس مايليق علينا
وعندي اولادي يتمصخرون على جسمي وريلي بعد يباني اضعف وخاطري استمر في الرجيم وافاجئه
مااسوي رياضه غير المشي احيانآ شو رايكم اسير عند دكتورة تغذيه لان الحبوب التجاريه مااثق فيها
ارجوكم ساعدوني(عيبني اصرار القبيليه ياريتني مثلها)
عليج بالرجيم والرياضه
شفتي كيف انا قلت ان اللبنات بيكونن دافع للبنات الثانيات،،، وهذا بالضبط اللي سواته قبيليه الله يثبتها ماشالله عليها
ختيه بيضا شوفي البروفايل مالي انا حاطه فيه نموذج لرجيم خسرني ٦ كيلو والحمدلله مارجعتهن للحين والمجموع كامل تقريبا حدود ١٠ كغ
اهم شي ان اكلج يحتوي المجموعات كلها
خبز – حليب – سلطه -فواكه
او اذا كنتي من النوع اللي يفدر ع القاسي
عندج التمر واللبن نتايجه فضيييييييييعه
عليج بالرجيم والرياضه
شفتي كيف انا قلت ان اللبنات بيكونن دافع للبنات الثانيات،،، وهذا بالضبط اللي سواته قبيليه الله يثبتها ماشالله عليها
ختيه بيضا شوفي البروفايل مالي انا حاطه فيه نموذج لرجيم خسرني 6 كيلو والحمدلله مارجعتهن للحين والمجموع كامل تقريبا حدود 10 كغ
اهم شي ان اكلج يحتوي المجموعات كلها
خبز – حليب – سلطه -فواكه
او اذا كنتي من النوع اللي يفدر ع القاسي
عندج التمر واللبن نتايجه فضيييييييييعه