اشحالكن خواتي عسااكن بخير وصحه وسلامه
خواتي ماادري شو يايني حالتي النفسيه واااايد تعباانه على ادناة شي ايلس اصيح وصيااح من الخاطر وكله احس اني ضاااايجه من الخااطر .. واحس اني اوكي ويا بنوتي روضه بس ويا غيرهاا مووليه مب اوكي ومالي بارض حد
وبغيت منكن طرق اخلي فيها ريلي يحس اني انا حالتي مب اوكي بس من دوون ما اثقل علييه ..
الحمدلله هو مامقصر ويااي بس انا مادري شو بلاني ابييه دووم لاصق فيني ولا من يروح الدوام ولا يظهر من البيت ايلس جنه حد ميت عندي .. بعييد الشر عنا وعنكن يارب
بلييز خواتي لو عندكن اي نصييحه خبرووني .. حاالتي واايد تعباانه .. والله كريم
ادعوووولي فديتكن
أختكن
ام مهره
بس أنتي ليش تبين تحبسين ريلج معاج ؟؟؟
يسمونه اكتئاب بعد الولاده …
انتي دوم ذكري الله وحاولي قدر الامكان ما تيلسين بروحج خلج دوم ويا اهلج .. ولا تخلين كل همج انج ترضعين وتبدلين للبيبي بس يعني اشغلي عمرج باشيا ثانيه … خلي حد يساعدج بالاهتمام بالبنوته …
يعني انتي الحين بفترة نفاس اهتمي بجسمج وببشرتج جابلي اشيا ثانيه غير البامبرز والحليب ههههه
الله يعين الحريم مو كفايه فترة الحمل والام الولادة …
ثاني شي اختي حالتج هذ يسمونها إكتئاب ما بعد الولادة كلنا نمر فيها وتراه اثجل مرحلة هذي وبالنسبة لريلج تحلمييييين انه إييلس وياج عطول ( شريره صح ؟ ) الغالية الرياييل كله يتحسبونا ندلع حتى احيانا يوم نكون متنرفزين في وقت الدورة الرياييل ما يصدقون انه هذي اشياء فسيولوجية حبيبتي اكتبي في قوقل عن اكتئاب ما بعد الولادة وانشالله تستفيدين وتراه الغالية اذا ريلج تم يالس فترة طويلة وما يطلع والله بيتم يطلع الضرابه من تحت الارض لانج انتي بتكونين دايما ويا البيبي والريال روحه بيبي عود فبيتم يتناجر انج لابستني ولاهيه وشحقة تبيني يالس اذا انتي كله لاهيه فحبيبتي خلي كل شي وسط