جلابيات بعد الولاده للصحة

السلام عليكم

مرحبا خواتي اشحالكم

حبيت اسألكم …بعد الاربعين يوم الحرمه ترد بيتها وخاصه اذا كانت ساكنه مع اهل ريلها …شو الملابس اللي تناسبها اذا كانت ترضع …احس المخاوير ما تنفع لان صعب للرضاعه

ياريت تساعدوني

ترومين تسوين ازرار ولا سحاب ع صوب فالمخاوير مالتج ولا تلبسين الجلابيات القطن مال البيت اللي فيها ازرار من جدام ولا خيوط تلقينها عند التاجرات ولا فالمعارض

الغاليه لبسي كله دانتيلات

كنادير وفي موديلات اشكال واللوان من الدانتيلات الراقيه والمريحه للحامل وناعمه لطفل وطبعا كل الدانتيلات فيهن فتحات من عند الصدر انا اصراحه مفصلتلي كله دانتيلات يعني اقدر استقبل فيهن الناس

وان شاءالله اكون افدتج

خذي جلابيات جاهزة دانتيل..
انا روحي خذت قطع وعطيه الخياط يخيطهم لي..
أحسن المخاوير بيكون تجال عليج و مب عمليات..

لا خذي الثياب القطن تحصلين وايد منهم والكم يكون طويل بس اختاري اللي فيهم فتحه حق الرضاعه بأزرار بتحصلينهم في السوق الجديم و سوق نايف