شكلكم مليتوا مني من كثر ما أحط آكلات كل يوم.
بس لا تلوموني الملل لاعب فيني. وعاد جريب إربي وما بجوفوني ادش وايد.
من المطبخ الألماني مطبخ ام الدانا.
توست بالنقانق المقلي والبيض والجبن.
خفيف وحلو وسريع. والصراحة ما بمدح. الكل تخبل عليه
وخاصا لأنه الوالده عندي بالمستشفى لازم اكل صحي إذا بغينا أنيب لها
المهم ها الاكله سهله وتفع ريوق وتأخذ ونها الدوام وتنفع عشا. وتنفع العصر تتسلون فيها.
وها طلب بعض العضوات راسلوني علشان إذا اقدر أسوي شئ يديد بالسندويشات سريع وخفيف شرات المره اللي طافت سويت سندويشات بيتزا
المهم خلونا بالمقادير والصور
المقااااااااااااااير
( على حسب الكميه اللي تحبونها وعدد الأفراد )
@ نقانق مفور ومقطع نص دوائر. وعقب نقليه
@ بيض
@ توست
@ بصل
@ فلفل أخضر رومي مقطع صغير
@ كزبرة. أو بقدونس
@ ملح وبهارات اللي تحبونها
@ جبن المراعي
@ مايونيز
@ جبنه بيتزاء
@ خس
@ طمام شرائح
الطرررررررريقه.
@ ً نخلط المقاليد التأليه في المقلاه أو جدر طبعا يكون فيها زيت
( البيض ، النقانق ، البيض ، البصل ،الكزبره أو البقدونس ، الفلفل الأخضر الرومي ، الملح ، البهارات ).
أنضجهم عدل لين يستوي البيض ونحطه بالصحن
@@ عقب نيوي خلطه جبن المراعي ويا المايونيز
انا سويت ( ملعقتين جبن ، وثلاث ملاعق مايونيز )
عقب نجهزززززززز صينية الفرن
& نحط التوست في الصينية ، ندهن التوست بخلطه الجبن والمايونيز
& نحط شريحه طمام
& عقب حشوه النقانق
& بعدها جبنه بيتزا.
وندخلها الفرن
عقب من يستوي في الفرن انطلعه على السريع نوزع الخس
&&&&&&&. ونصكر كل حبتين توست مع بعض من اللي سويناه ونضغط شوي علشان الجبن يتماسك ويا الحبتين التوست وما يطيح
@@ عقب نقطعهم شكل مثلثات ونحطهم على الصحن
(( طبعا على كيفكم كيف تبون التوست يكون محمر في الفرن ويابس ))
شو رأيكم. تراه سهل ولذيذ وبالعافيه عليكم.
تحياتي لليميع
المشاركة الأصلية كتبت بواسطة dxbaii 
تسلمين حبيبتي لا هنتي على الطله الذوق
يسلموا إيديكي 