بغيت اعرف كيف طريقتكم فتنظيف الثلاجة من الداخل؟؟؟
هل تستخدمون بخاخ تاديتول بالماي ولا ماي وصابون ؟ ولا في اشيا ثانية؟؟؟
بل كنت ساكنة ويالأهل غييييير واللحينه بروحي ومب عارفه كيف؟؟؟
الخدامه تقول لي بماي وكلوركس.gif "12 (37)")
بل عليها تبا تذبحني ..وععع ع ريحة الكلوركس تلوع الجبد….
انزعي السدات ومكان حفظ البيض وكل علب بلاستيكيه للحفط في ثلاجتج
خلي الخدامة تغسلهم بماي وصابون وتنشفهم
بالنسبة للثلاجة:
ماي وصابون والليفة
خلاف مسحيها بفوطة مبلوله
وبعدين نشفيها
رجعي الاغراض داخلها
هاتي علبة بيكربونات صوديوم شلي الغطاه وحطيها مفتوحه في الثلاجه بتسحب لج الروائح
اذا كنتي بتفضين الثلاجه لاجل السفر او اي ظرف ثاني
حطي فيها قطع فحم أو قهوة
في المحلات يبيعون منظف خاص للثلاجة و الميكروويف ،، تمسحين فيه الثلاجة كلها ،، و بالنسبة للملحقات افضل تطلعينها و تغسلينها بمنظف ضد البكتريا
ثاني شي في تنظيف الثلاجة لازم يكون عندج منظف ضد البكتريا و العفن و تمسحينه بفوطه خاصة للثلاجة بس
و في الاخير تستخدمين بيكربونات الصوديوم عسبت اتخوز الريحة ،،، و تستخدمين فوطه نظيفه
تخلين الثلاجة مفتوحه شويه عسبت تجف ،،، و عقب ما تتاكدين انه كل شي جاف تشغلينها و تصبرين شوي و تحطين الاغراض
و موفقـــــات فديتكن
سلاميه عليييكن
الف شكر مني لكم