هذا تطبيقي
لعمل العجينة نحتاج
1 جيلة طحين رقم 1 ( 500 جرام طحين معجنات ) (( تقريباً 3 كاسات وربع )) أنا أستخدمت كاس الجبن الكبير 3 وربع
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن
الطريقة يا حلوات
تعجن العجينة بخلط كل المقادير حتى تتشكل لك عجينة طرية
وانتبهي أن تستمري بالعجن لمدة لا تقل عن عشرة دقائق ( يفضل أن تكون العجينه لينه يعني زيدي من الماي شوي مب وااايد يعني ألين من العجائن الثانيه وطبعا بعدين عشان ما تلزق العجينه بإيدج أستخدمي الطحين شوي فإيدج وشوي عالادوات اللي بتستخدمينها
وكلما زادت مدة العجن كلمات زادت طراوة العجينة
الآن غطي العجينة في مكان دافيء لمدة ساعة
ومن ثم شكليها بعد أن تتضاعف
صلصة البيتزا وصفة هند بس كمية المقادير من عندي
3 ملاعق كبار كاتشاب + ملعقة كبيره مايونيز+ ملعقة صغيره غير متروسه زعتر + شوية بصل مفروم وأخلطيهم عدل
وشرايح زيتون وفلفل أخضر بارد مفروم وموزاريلا يفضل إستخدام العادي مب المبشور وأنتي أبشريه فالبيت أحس هالطريقه الجبن يذوب أسرع ويكون سايح ولذييييييذ
الفرن يكون حار على درجة 180 وحطي تحت لمدة لا تزيد عن 10 دقايق 7 دقايق كفايه
وبعدين أتحمرينه من فوق شوي لين ما أتذوب الجبنه
هالعجينه سويت فيها جبن كيري وبعد زعتر مع شوية زيت زيتون وبعد حشوة لحم مفروم وكله طلع لذييييييييييييييذ
جربوها ما بتندمون
و الله يوفقج
بحاول أسويه باجر إن شاء الله
الصراحه ما عليها كلام….
تسلم يدكم….
الله يسلمكم حبايبي ..