الموضوع نقلته من عضوة وانا اسوي سيرج عن كريمات للتشققات
قلت اسوي موضوع و مرجع للكل ان شاء الله خاصة اني ندمانة قد شعر راسي اللي ما تم اصلا لاني ما كنت اواااااظب ع الكريمات معينة للتشققات و ارطب جسمي بكريم كل يوم
وان شاء الله يكون مرجع لكل وحده حامل او بتحمل مستقبلا ان شاء الله
(الستريتش ماركس stretch marks )
و هل نفعها؟؟
و شو نصايحكم للتخفيف من حدة علامات تمدد البشره؟؟
هاي بعض الكريمات المشهورة :
زبدة الجسم بزبدة الكاكاو من بالمرز متوفر في كل الصيدليات و الجمعيات
نبا إفاده من الكل
اترياااااااكم حبايبي
(^_^)
زين انج رديتي احيتي نفس الموضوع لانه الحوامل الجدد اكيد يبون يعرفون بعد
شوفي من عقب ما كتبت هالموضوع و من تفاعل العضوات
ما جربت بالمرز لانه كنت متوحمه من ريحته ما قدرت استخدمه حتى يوم خاز الوحام ما ستخدمته في عيالي كلهم ماقدر اتحمله
استخدمت بيو اويل حسيته مع الاستمرار مفيد بس في ناس ما شافوا منه نتيجه انا حسيته فتج لي كلف الحمل
و كريم ثاني جربته في حملي في بنتي كان ماركه موستيلا
هاي صورته
ريحته رقيقه و نظافه صراحه مقارنة ببالمرز اللي لين الحين مب قادره استخدمه.
فتره الحمل استخدمي بعد زيت زيتون اصلي لو تقدرين او حتى زيت زيتون بس يكون بكر virgin olive oil
بعد الولاده استخدمي زيت السمسم صح ثقيل بس يساعد وايد على التشققات و الكلف او اذا ما حبيتي ريحة زيت السمسم استخدمي زيت اللوز الحلو
و ان شاء الله كلكن تطلعن من تجربة الحمل و الاربعين عرايس يا رب
افيد شي للتخفيف من التشققات في الحمل
كثرة شرب الماااااااااي
الحامل محتاجه وايد ماي عشان جسمها يترطب
يعني لو تدهنين عمرج 3 مرات في اليوم و انتي فيج جفاف داخلي ما بينفعج عن تجربه
لانه انا اضربيني كفخيني ماشرب ماي حتى احط دباب الماي عدالي عشان ما انسى و بعد ما اشرب ما تذكر الا فليل و اشرب قبل النوم و اندم من كثره روحة الحمام ههههههههههه
بس في مولودي الثاني اتعلمت الدرس و دربت نفسي على شرب الماي و شفت الفرق
شي ثاني اتذكرته بعد انا الحمدلله ما طلعت لي اي تشققات في حملي الاول و اتحريت عمري نجوت منها
بس متى طلعت التشققات بعد الولاده على طول يعني من طلعت من غرفه الولاده وودوني حجرتيه بعد فتره قمت اتسبح و شفت المصيييييييييييييييبه
و يوم شافتني النيرس الفلبينيه قالت لي مدام طبيعي هالشي لانه كتلة البيبي و كل شي ينزل معاه يسبب انكماش للجسم و قالت لي انهنن (الفلبينيات) يدهنن عمارهن حتى و هن في غرفه الولاده الام ولا الاخت يتمن يدهن بطن الحامل بزيت اللوز او زيت الكوكونت (الناريل)
في مولودي الثاني قبل ماروح المستشفى للولاده اتسبحت و دهنت جسمي بطبقه غليظه من الكريم و حتى يوم وصلت المستشفى و دخلوني عشان البس لبس المستشفى دهنت مره ثانيه. و الحمدلله ما صارت لي المصيبه اللي صارت بعد ولادتي الاولى.
نتريى رد باجي الكروشات