مساااااااااااااااكم الله بالخير
حبيت اعمل قروب او تجمع للي يبون يعملون ريجيم او دايت للحمل للي تعاني من صعوبه بالحمل
بسبب السمنه واللي هي سبب لتأخر الحمل
اذا كانت اي وحدة تعاني من تكيسات ولازم تنزل وزنها او تعاني من شحوم ع الرحم او المبايض ومانعها من الحمل
المهم ان احنا نشجع بعض عشان ننزل وزنا ونعمل دايت عشان الله يسهل لنا الحمل انا بديت من 3 ايام لاني مهما اخذ ادويه ووزني كبير فهذا ياثر على عدم حدوث الحمل
واللي بتشاركنا تقول شو تسوي او شو تاكل كل يوم ؟؟؟؟؟؟؟؟؟؟؟؟
وياريت نتفاعل مع بعض
يلا فوقة ^^
راسلوني لاتنسوني اوكي
انا بديت وكان عندي دايت قديم اعطتني اياة دكتورة تغذيه هنديه
عملت معي حوار طويل عن كل الاشياء اللهي احب اكلها واشربها واعطتني نظام ووووايد حلو مافي شي ممنوع غير الحلويات بجميع اشكالها وبعض الفواكه مثل المانجو والموز وهو كالتالي
بس انا مشيت عليه شهر ونزلت من وزني لكن للاسف رديت مرة ثانيه وسبته وما استمريت وارتحت فيه كثير بقولكم هو الحين ناويه ارجع له ثاني مرة
الافطار :
بيضه ونصف صمون
كوب شاى بدون سكر
فاكهه(ممكن كيوي)
مابين الافطار والغداء:
تفاحه وياحبذا لو تكون خضراء
لبن اب
الغداء :
سلطه
ملعقتين ارز كبيرة
قطعه دجاج (صدر)اوسمك او لحم لكن بشرط ان لا تكون مقليه
صانونه (ممكن خضار او غيرة)
مابين غداء والعشاء :
قطعه ونصف بسكويت مالح
ممكن كوب شاي كرك بدون سكر او ملعقتين خلال اليوم لا اكثر(حليب قليل الدسم)
العشاء:
نصف صمون او ربع خبز لبناني
فاصوليا مقدار ملعقه
قبل النوم:
كوب حليب (قليل الدسم)
واحد جريب فروت
طبعا انتي ممكن تبدلين من وقت للاخر الفواكه ويكون مقدار الزيت اللي تستخدميه خلال اليوم للطبخ خمس ملاعق طعام
الصراحه وايد ارتحت عليه بس ما كملت الكسل والاحباط
بس وزني زاد كثير فقررت اني لازم ارد ولازم يكون عندي اصرار عشان يصير حمل وصحتي تكون زينه
لاني دورتي ملخبطه وهرموناتي ملخبطه وتكيسات ولو نزلت وزني كل هذا باذن الله بيتعدل
فياريت نشجع بعض عشان نحقق اللي نباة ونتوكل على الله والله كريم هو اللي بيسهل علينا