تجمع جلسات العروس للجسم والبشره … فتره ما قبل العرس وبعده

شحالكن
انا( واعوذ بالله من كلمه انا ) عروس شهر 52020 الله يتمم لي ولكم على خير

حبيت اسوي تجمع ل تستفيد كل عروس محتاره وين تسوي او شو تستخدم من الخلطات للجسم والبشره

عن نفسي بديت اسوي لي جدول كل اسبوع مرتين جسم و 3 مرات بشره

ل للاني عندي وقت احضر عمري لين العرس

بديت ب ماسك السدر للجسم للنعومه وصفاء البشره

6 ملاعق سدر – كوب ماي ورد – فنيان قهوه عصير ليمون – و ملعقه كبيره من غسول مغربي بالاعشاب الطبيعيه (هو عباره عن حنا وداد و8 اعشاب ) هذي مطحونه وخلطه مغربيه ( لازم يكون الماسك مب سميك يكون مثل كريمي واذا حسيتي سميك زيدي ماي ورد )

اخلطه عدل وبعدين كرمتو اروح الحمام اوزع الماسك على جسمي طبعا لازم جسمج يكون ناشف بعدين توزيعنه على كامل الجسم كل مكان يعني كل مكان من ريولج لين رقبتج ومن ظهرج لين قاعتج .. المهم وبعد ما توزيعن حاولي كل دقيقه تفركين الماسك على جسمج واخليه نص ساعه اذا كان مزاجي رايق اخليه 40 دقيقه وبعدها اغسل جسمي بالماي الدافي وبعدها صابون كريمي عشان يكون جسمي انعم وبعدين ماي بارد بعد ما تخلصون والله يابنات انه فرق كبير بنسبه للون و نعومه وجزاها الله كل خير اللي خبرتني عنه ( لاحظته بعد كم تجربه يعني بتشوفين فرق بعد من مره من الاستخدام وماتلصق الريحه بالجسم )

بنسبه للويه وللان بشرتي دهنيه
عندي ماسكات الطين من glamglow هذا وايد مشهور ولقيته في صالون واخذت وحبيته
وبديت استخدم ماسكات الورق
وبديت اسوي بعد ماسك الشوفان = م ك 2 شوفان – 2 م ك روب – 1 م ص عسل ما شاء الله فنان
وبديت اشوي ماسك العسل و لليمون

مخططاتي:
شفت بالصدفه خلطه الورس و النيله قلت ببدا فيه ان شاء الله
وخلطه الهنديه بعد كركم جسم وروب
بنسبه للحمام المغربي الصراحه بديت اسويه في البيت بروحي لاكن ما اشوف وايد اشياء تظهر وين تنصحوني اروح اسوي حمام مغربي وشغل نظيف مع اني ندمت مرتين رحت اسوي ومن بعدها جسمي انحسد ظهر لي حبوب في الظهر ومتلعوزه بس الحمد الله خلطه السدر نشفت الحبوب …

يا الله يا عرايس شاركونا جداولكم وخلطاتكم في ها الفتره الحلوه اللي قبل العرس وبعد لا تحرمونا من تجاربكم يا عرايس وامهات نبا نشوف ردود اللي جربت اماكن او ماسكات سواءا منتجات او خلطات فادتها في فتره ما قبل الزواج وبعد الزواج