تجربتي مع زيت الخروع. لحياة صحية

مرحبا بكم خواتي الحوامل والمربيات …….. بخبركم شو صار فية يوم خذت زيت الخروع. كنت حامل من سبعة وثلاثين اسبوع يعني اول التاسع .وا.نتن تعرفن اللي تدخل التاسع تبا تربي اليوم قبل باجر المهم.شربت نص الغرشة وبعدها بست ساعات نزل عندي الماي بكثرة فرحت طواري الوصل قالولي الرحم مفتوح شوي بس التقلصات موجودة مستمرة لما حطولي جهاز نبض الياهل لقو النبض جدا ضعيف والحمدلله كانت دكتورة ليلى هي مواطنة وايد ساعدتني لين ربيت بالسلامة ويبت احلا سلامه،فنصيحة من وحدة مجربة لا تجربن محفزات الولادة لانة ممكن تكونين متسببة بموت ضناج الله يخليلكن عيلاكن ويقومكن بالسلامة……

الحمدلله على سلامتج اختي ومبروك على المولود الجديد

الحمدلله على سلامتج

ومشكور خبرتينا لاني كنت بجرب زيت الخروع بس انا الحين خلصت التاسع ومب عارفه شو اسوي الله يعين

اممممممممم
حمدلله على السلامه

انا شربت زيت الخروع بحزت الولاده .. يعني كان في وجع

والحمدلله كااان تماااااااام

مرحبا ختيه .. مبروك عليج الصغيرونه والله يجعلها من الذريه الصالحه ان شاء الله .. والحمدالله على سلامه .. والسموحه عالقصور

حمدلله على السلامه.. وتتربا في عزكم ان شاء الله

مبروك البيبي وحمدلله على سلامتج
وأنا بعد شربت الخروع ومشربتني اياه الدكتوره زينب لما عديت موعد الولاده ب3 أيام والحمدلله شربته عندها فالعياده العصر والساعه 8 المسا اتبطل الماي كان وايد بس على فترات واليوم الثاني ربيت الظهر وبنتي ما فيها شي ولا خف أو ضعف نبضها وضعف نبضات البيبي اتصير أحيانا حتى للي ما يشربن الخروع وصارت مع ربيعتي, يعني هي مسأله تفرق بين حرمه وحرمه وبين حمل وحمل