عمري ما توقعت ان في يوم من الايام بتصير حالتي جيه وبكتبلكم.. صار الموت أرحملي من هالعذاب اللي انا عايشتنه ..خلني اقولكن قصتي من البداية..
أنا غلطت وانا في المراهقة وطبعا كله بسبب ربيعة لي مب زينة وريال شيبة يمكن كان في الخمسين وانا كنت 15 لعب علي دور الحب وكان يجذب في كل شي واستغل طفولتي لابعد الحدود المهم مب هاي السالفه انا الحمد الله الله الهمني وتبت وعاقبتني الحياه وكل من حولي على خطاي هذا الكلام صارله سنين يمكن 10 سنين .. عشت حياة نظيفة ما اعرف فيها غير ربي طبعا قبل هذا كله ذقت كل انواع التعذيب من ضرب واهانات المهم درست وخلصت والكل يممدح فيني وفي اخلاقي وتعلمت وااايد من تجربتي ولكن من سنة دخل شخص حياتي ععلى اساس انه حرمه وعقب اكتشف انه ريال وقالي انه اسم كبير في الدولة وخوفني منوه بأنه بيسوي بهلي اشيا وكان يعرف كل شي عن حياتي حتى شو لابسه اللحين يننبي كنت اخاف منه يطرشلي مسجات بالاماكن اللي اكون فيها حتى يوم يعورني شي يقولي هذا يعورج في النهاية اكتشف انه واحد قريب منا وهلي يعرفوووونه زين وربيعهم بعد شوفن النذالة كيف ..كان يعرف بمشكلتي قبل وقعد يهددني انه يفضح ماضي على الناس بدى يبتزني بالصور ويخليني اطرشله صور لي واسوي اشيا مب زينة ..اكرهه اتمناه يموووووت انتن ما تدرن شو يسوي ..يسب امي وابوي ويدعي عليهم ما يناديني إلا … وكللام خايس يتبلى عليا باشيا يقولي انتي كنتي مع فلان وفلان حتى لو طباخ مريض نفسي مب طبيعي ..ممنوع اطلع حتى لهلي وااايد اشيا لو اقوله بتستغربن كيف انا متحملة صرت مثل المينونة اضرب نفسي وابغم في الحمام وشمخ عمري احس عمري بموووت يطرش مسجات لهلي غامضات و24 ساعه يسبني ويلعني وانا ساكته ويطرشلي الصور عشان يحرق قلبي ويقول بينشرهن عالبلاك بيري عشان اذبح ابوووج ..عرفت عقب انا وصل لرقمي عن طريق وحده تعرفه كانت وااايد تتكلم عني عنده ..عشت حياتي كلها شقااا في شقااا فكرت انتحر عشان ابوي ما يتعذب بس انا اخااف ربي يمكن تستغربن انا مب لعابه انا اصلي واقيم الليل واقرى قرآن والبقرة يوميا بس هالشي ياني غصبن عني كله بالتهديد فكرت اقول لاخوي بيذبحني وبصدم ابوي احن انسان في الدنيا ..شو اسوي قوليلي ساعدني
دخيلكن لا تجرحني تكفيني الحياااة
والله ما اعرف شو اقولج
بس يمكن خدمة الامين بيساعدونج والله اعلم
خدمه الامين اختى هى الحل والله يستر عليج ومايفضحج حبيبتى يارب يسترج
عندج خدمة الأمين اتصلي فيهم وبيحلون المشكله
بس لازم تكونين من دبي
الله يستر عليج وعلى بنات المسلمين