هلا خواتى اليوم بحط لكم ريوقى مال الصبح وان شاء الله يعيبكم
المقادير :-
3 بيض مسلوقين وعقب سلقهم انقطعهم قطع
و1 بطاط مقشر ومسلوق وعقب ما ينسلق نهرسه
2 طماط انقطعهم اصغار
1 مكعب ماجى
صلصه طماط
زيت
فلفل اسود وفلفل احمر وملح
الطريقه انيب تاوه انحطها فوق النار ونضيف لها زيت ونضيف الطماط الى امقطعينه ونضيف صلصه الطماط بس مب وايد 3 ملاعق تكفى انزين وبعدين انضيف البطاط الى هرسناه( انا اهرسه بالملعقه) ونضيف ملعقه من الفلفل الاسود والفلفل الاحمر وشويه ملح ومكعب ماجى ونحركهم فوق النار زين ما زين واخر شى انضيف البيض الى قطعناه قطع اصغار
وان شاء الله اتكونون فهمتو على رمستى واذا عيبتكم الطريقه ادعولى انه ربى يحقق لى الى فى بالى آمين يارب *__^
هاى صوره البطاط لمن هرسناه
وها لمن خلطناه مع بعض
وها اخر شى سوينا خبز مالنا روحنا مع طبعا النسكافى الى ما استغنى عنه وان شاء الله يعيبكم
ربي يرزقج اللي في بالج .. وايسر امري وامر كل عبد مسلم
المشاركة الأصلية كتبت بواسطة @أم عمر@ 
الله يسلمج من كل شر
المشاركة الأصلية كتبت بواسطة جويرية ربي يرزقج اللي في بالج .. وايسر امري وامر كل عبد مسلم
هى لذيذ وايد جربيثه ومشكوره
استغفر الله
استغفر الله
استغفر الله