قبل كل شي وقبل ماببدا بالموضوع وادش فيه ولي شفته ولي غيره . .
لي عندها رد محترم واتسويله بوست اوكيه ولي بتطيح ف الموضوع تخلي كل شي حق عمرها . .
اول شي :
بما انه ها قسم البشره وكل شي فيه يختص من ماسكات وكريمات وغيره وغيره من هالأشيا . .
احب صدق صدق اشكر الاخت العزيزة والغاليه ع قلبي مس جوكوليت لانه صدق ماشاءالله عليها
ابداع من معلومات وغيره والاغراض وكل شي . . ها هب موضوعنا . .
بس انا لاحظت ف الفترات الاخيرة جي بنات يعقن رمسات وفوق ها يطيحن ف الوحده ليييش ؟؟
انا لي ابا اوصله لكن بنات سواء بنات او حريم او غيره . .
دام الناس اتسوي فيكن خير سون المثل واذا ماتقدرن خلاص كلمة طيبه من صوبكن تكفي هب
لازم اتضايقون بالناس والله فلانه جي وعلانه جي وهاي ماتعرف وهاي ماعرف شوو . .
ترا ف الاخير شرات ماتسون ف الناس صدقني بيرد فيكن . . اذا هب الحين عقب الحمدالله
الحمدالله انا وحده لو شو اسوي ماتريا من الناس تردلي ياهن او شي نحن اهنيه عسب انساعد
بعض وكل وحده تسأل وجي من تجارب وغيره . . كلنا خوات واكثر عن خوات فمالها حايه
هالحركات مالت اليهال . .
شي مثل مايقولون " خيرٍا تعمل شرا تلقى " وشي بعد " كما تدين تدان "
انا اوجه هالكلام حق كل وحده تعرف روحها لاتكونين ياهل ماشاءالله نحن كبار واعتقد انه شي
احترام ف هالقسم سواء من البنات لي فيه الحريم لي فيه او من المشرفات الاقسام . .
بس هالي خاطريه اقوله فهالقسم بالذات . . انا ملاحظه هالشي ف بنات فياليت بس يحترمن اعمارهن
لانه ف كل قسم قوانين وغيره وفوق ها كله احترام غير واجب ..
واسمحيلي فديت روحج مس جوكوليت لاني حطيت الموضوع اهنيه لانه صدق كان مضايجني
هالشي وقلت خلني اسدحه اهنيه عسب الكل يقرا ويعرف انه شي نوعية من هاييل الناس
لي بس همهاا تفر الرمسه وجي وخلاص ولا يهمها شي تذكرو لي قلته فوق . .
،
،
واشوفكم ع خير ان شاءالله اتمنا الموضوع ما ينحذف وانه ينرفع لاكبر عدد عسب ينتبهون لهالشي
وتصبحون ع خير .
فعلا نحن بحاجه للاحترام المتبادل بينا والاحساس بالكلمه قبل ما ننطقها
كون اني ما عجبني راي او ما حسيته يناسب ميولي فهذا ما يعني ابدا اني امسك الكيبورد وهات يا انقاص في حق العضوه او موضوعها
في النهايه لاحظوا يا بنات ان الكلمه المكتوبه تأثيرها غير عن الكلمه المسموعه
الكلمه المكتوبه بتشوفينها مجرده من الاحساس والنبض والصوت اللي ممكن يوصل لج الهدف منها
لكن الكلمه المسموعه بتحسين فيها صدق المشاعر والاحاسيس وهنا بتعرفين شو القصد من وراها
فاذا قريتي كلمه ما عجبتج اتمنى تفكرين بهالشي : ممكن اللي قريتيه ما يوصل لج الاحساس الصحيح والصادق من وراها
ونصيحه صغيره من اختكم الصغيره mischocolat :التمس العذر لأخيك الانسان
طبعا ما قصدت اني اصغركم بالعمر بس هذا تعبير مجازي عن احساسي بالصغر امام تجارب غيري وخبرتهم واستعدادي للتعلم منهم
أغليك : شكرا حبيبتي على هالكلام الحلو واتمنى البنات يشاركونا ويفتحون قلوبهم باللي مب عايبنهم في القسم بس الرجاء بدون تجريح …..واللي عندها اقتراحات لتطوير القسم او عمل خطوات تساعد على الارتقاء به فأهلا وسهلا بها وبأراءها
يللا يا بنات
والله زين انج حطيتي الموضوع
وبعد مس شوكليت احب اشكرج لانج انتي الي خليتيني احب قسم العنايه بالبشره
ورساله اوجها بشكل عام
نحن كلنا خوات فالمنتدى واذا الوحده بتنزل تجربه من تجاربها فالمنتدى ما بتنزلها بطره ولا غيره بالعكس حبا فبنات المنتدى ولو ما تبا لهم الخيبر ما بتنزل الموضووع
حبيباتي سيدات الإمارات تقبلوا تجربة اي اخت فالمنتدى او نصيحه بصدر رحب
انا ماقصد الجميبع و لا اني اخص وحده بس كلام بوجه عام
دمتم سالمييين
