بنات من منكم ميربة حمل البنات لاني حامل وييني ويع اسفل بطني كنة شي شادني خالتي تقول هذا حمل البنت لانة عندي ولد وحملي كان غير ياريت تخبرونا بخبرتكن ويزاكن الله خير
المشاركة الأصلية كتبت بواسطة ربي استرني 
خيتي ماكان ييك ويع وشد اسفل بطنك
أنا عندي ولد واحد ربي يحفظه يا رب ويخليه ويبارك فيه … كنت في حملي أموووووووووت من الويع خاصه في بطني وظهري لدرجه اني أتم اتويع حتى وانا نايمه وريلي يقومني يقوللي شو فيج احس بخنقه ما اقدر أرقد عدل و من امشي كله ظهري يعورني وبطني يعورني وحالتي حاله .. و كله ابا ارقد .. وكل حد يقوللي فيج بنيه بس ما يخصه يبت ولد فديته احين ثلاث سنوات …
وحملت من فتره جريبه وكانت الآلام أبدااا مب طبيعيه .. فووووووووق الهلااااااك ولله الحمد والشكر …
كنت اقول لريلي هالحمل الثاني اشد من الاول انا في الاول كنت بموووت بس مب من البدايه هذا من اول ما حملت وانا استويع و سبحان الله ربي ما كتب لي نصيب فيه ومات الجنين و الحمدالله على كل حال بس كان بعد ولد والله العالم !!
والحين حامل بولد أول كان حمالي خفيييف ومافيه ويع قلت يمكن بنت لكن الحين من دخلت الخامس لو أمشي شوي أحس بويع مثل حملي الأول
وفي الحالتين كان وحامي صعب وتعبت واااايد
أحس الحمل يعتمد على طبيعة الجسم مش على الجنس
بس بقولج ملاحظه
حرمه خالي عندها بنات 5 وولدين .. قالتي حمل الأولاد أضعف وتنزل افرازات بنيه
أنا في الحملين نزلت علي
واخت ريلي نفس الشي وبعد يابت ولد
مادري هذا الكلام صح ولا غلط