بنات الفجيرة لو سمحتوا ابكم في خدمة لصحتك

السلام عليكم روحمة الله
مشكورات حبيباتي على تلبية دعوتي
ما بطول عليكم انا من الفجيرة واتعالج من تاخر الحمل عند الدكتورة ايمان العراقية اللى عيادتها في مركز السلام, شيكت على وقالت بتسويلي تلقيح صناعي الاسبوع الياي.
فحبيت اعرف منو منكم سوت التلقيح عندها وشو تحسون هذه الدكتورة شاطرة والا لا.
ارجوكم ردو على.
وشكرررررررررا:22 (13):

ان شاء الله البناااااات يفيدوووونج بصراحة ما عندي علم

انا بعد ماعرفها هالدكتوره ان شاءالله خواتيه يردون عليج ويفيدونج ويااارب يرزقج بالذريه الصالحه يااارب

والله ما اعرف ان شالله البنات يفيدونج

انا الصراحه جربت ويا الدكتوره ناديه اللي في عيادة العايله الطبي
الصراحه ولا شي ابد
عطتني حبوب خربت علي الدوره واخرتها وحلفت اني ما اطب عندهم مره ثانيه

وبس وهاي كانت تجربتي في الفجيرة
لاني من بظبي وريلي من الفجيرة عشان جي ما اعرف وادي عن عياداتهم
وبليز اذا جربتي عندها خبريني اذا هي زينه ولا لا

حبيبتي الدكتورة الي ف المركز الطبي هاي اوكيه ع ما اعتقد اميرةاسمها لان اربيعتي تتعالج عندها

مشكورات حبيباتي على الردود
ام-زايد الدكتورة انا مرتاحة لها وايد بس المشكلة ما اعرف علاجها كيف
اما بالنسبة للاخت السولعية د اميرة في المركز الطبي انا اسال عن د ايمان في مركز السلام بالنسبة لاميرة وايد زحمة عنها يعني ممكن تروحين الصبح يعطونج موعد للعصر وهذا اذا كان مود الدكتورة عدل

صراحه انا ما سمعت عن هذى الدكتورة

بس تبي نصيحتي روحي عن الدكتورة اميرة الانها جد شاطرة من تجاربي الشخصية

بالتوفيق