بنات الامارات ساعدوني أختكم من قطر لعشاق السياحة

السلام عليكم وحمة الله وبركاته

شخباركم خواتي

لو سمحتوا احنا ناوين نزوركم الامارات وهاي اول مره لنا انا والاهل

ناوين نروح دبي والعين والشارقة وأبوظبي

ياريت تفيدوني باحسن المجمعات عندكم ومحلات العبي اهم شي
وشنو احسن المجمعات اللي تستاهل الواحد يروحها
والاسواق الشعبية اللي عندها شغلات حلوة وغريبة
ومحلات الجلابيات

بعد بسألكم عن مصانع جبل علي شنو عندها بالضبط ؟؟ وشلون دوامهم يفتحون متواصل والا؟
وبعد وين احسن الاماكن السياحية عندكم للأطفال

وبعد شنو تنصحوني أخذ من عندكم ومب موجود عندنا في قطر

ومشكورين

وعليكم السلام والرحمه

حبوبه انا بعطيج المعلومات عن ابوظبي لاني من اهلها
المراكز الموجوده في ابوظبي:
1) المارينا مول
2)أبوظبي مول
3)الوحده مول
4)الخالدية مول
5) المهيري سنتر

ومحلات العبي في مكان واحد اللي هوه في الخالديه ( دائرة المياة) بالضبط جانب المهيري سنتر

وما عندنا اسواق شعبيه للاسف

وانشاء الله اني افدتج بالمعلومات

للجلابيات انصحج بسوق عكاظ فيه اشياء حلوه

وانا من الشارجه ..

عندج السوق الجديم >>> عندهم محلات جلابيات ومحلات عبايا وايد…
مركز سارة >>> وموقعه في السوق الجديم >>> وعندهم محلات عبايا وملابس منوعه …
الميغا موول >>> عندهم محلات وايد للملابس مثل زارا ومنغو و برومود وكمن محل جلابيات فخمه … وعندهم قسم كلة ملابس اطفال …
صحارى >>> فيه وايد محلات ومطاعم …

وان شاء الله تستانسين …

وانا بعد انصحج اتروحين سوق عكاظ … عندهم اشياء وايد حلوة … انا شخصيا اسير محل اسمه سارة بلازا … وهو برع سوق عكاظ … جلابياته وايد حلوة واسعارة زينه …

هلا حبيبتي وانا من العين وحياااج في الامارات من يااتي لين مارحتي

وبدالج على احلى الاماكن في العين

الاسوواااااق

عندج العين مول يعتبر المول الوحيد الكبير في العين فيه السينما ومطااعم حلووو ومحلالالات رااقيه عندج كارفور وممممممم وعندج الاسواق والمحلالات الخارجيه واحلى شي فيهن انهن قرب بعض يعني في العين بترتحوون من اللف والدوران والزحمه الحمدالله

بعد عندج المبزره هذا احلى مكان في العين واذا مرحتوله يعتبر انكم مارحتوو العين وبقربه جبل حفيت وعين الفااايضه ووووايد شلايهات

عندج بعد حديقه الحيوووانات وايد حلووو ورااقيه

ووووووووتقريبا هذا اللي في العين اذا تذكرت شي برد وبخبرج

والسمووحه حبووبه