جيف حالكم بنات ؟؟
ابا اغير ديكور صالتي .. بحيث اني ابا اركب ورق جدران وابا البس الغنفات مع العلم ان الغنفات مودرن يعني موديله بسيط مب ضخمات ..
لون اليدار حاليا بيج مصفر ياي عاللون الاصفر
والغنفات ابيض واسود ..
انا فكرت فالفوشي مع الابيض والاسود والديكور ابيض و اسود و فوشي
او ذهبي واسود وابيض ؟؟
محتاره اي لون ادخل معاهم .. ومابا يطلع عنقاش ><
ساعدوني بليز
و ولاااااااااااااااااااااااااااااا رد >< احبطتوني بصراحه .. ماهقيتها
عشان نساعدج في التنسيق
يعني بس تبين ورق جدران ؟
بس اذا ناويه تخلينه كم سنه جدام فاختاري ورق الجدران ولبسة الكنب بالوان محايده بحيث انج ممكن تركبين عليها أي لون, والعبي بالوان السجاد والكوشن (المخدات) والاكسسوارات….
اذا حابه اللون الأسود والأبيض حلوين ورق جدران بس مب كل الغرفه, يعني خلي يدار أو اثنين أبيض ساده ولزقي عليه استكرات ورود أو أشكال ثانيه ياللون الأسود, ولبسي مخدات الكنب بألوان مختلفه
اتمنى أكون أفدتج