بعد الولاده للصحة

مرحبا الغاليات
بدخل في الموضوع
فيني الم في الظهر من بعد الولاده والمشكله يزيد
مربيه من تاريخ 21/4
وللحين الالم
حد يفيدني ربي يرزقكم بالخير

شي طبيعي ظهرج بيعورج الغاليه
بسبب الم الطلق والضغط عالعمود الفقري
عليج بحبوب الكالسيوم لاتهملين فيتاميناتج
وان شاء الله بيخف عنج
تراه ياخذ وقت شوي لين يخوز الالم

والحمدلله على سلامتج الغاليه

مثل ما قالت اختي ( الدبة) عليج بالفيتامينات والكالسيوم
والافضل انج تراجعين المستشفى احسن واضمن

الله يكتب لج الشفاء يا رب

عادي حبيبتي هالشي طبيعي وبيخف مع الأيام ان شاء الله

عادي انا صار لي عقب ماولدت تميت يمكن شهور من ظهري وعبالي التهابات ..ويوم ترضعين اقعدي قعدة صحيحة لا تنحنين ظهرج ..
وانصحج تسوين تحليل تروحين قسم العظام احتمال نقص فيتامين دال

يبالج تسوين فحص انا عندي الم لكن بسبب الدسك صح اني في العشرين لكن هالشي من كنت في الثانوية ادرس واقعد بطريقة غلط ومن ربيت زاد لكن الحمد الله يخف لما اقعد صح وما اكثر القعده وايد على الارض وبعد شي مهم اللي هو الوزن من كنت حامل الوزن كله على الظهر ومن اربي يخف وايد وارجع لوزني اللي قبل الحمل وهالشي يخفف وايد من الالم

الله يشافيج يارب
اهم شي الكالسيوم وان شاء الله بيخف مع الايام