بتي والمصير المتسكر حد يعرف عنه شي؟ للساحة الامارات

هلا حبايبي أنا عندي بنتي فديتها أول ماطاحت من بطني كانت ماتسوي خروج ودخلوها العنايه عشر أيام بعدين طلعوها على أساس أنه صحتها زينه بس يوم رديتها البيت تعبت وايد بطنها ينتفخ وايد وكله تزاوع ورديتها الطوارى وقالوا لازم نسوييلها عمليه وكنت خاااايفه موت عليها لأانهم قالوا بنسوييلها عمليتين عشان نتأكد أنه فيها هذا المرض وكنت مش مطمنه منهم وخبرت ريلي وبنفس اليوم الله سخرنا وحجزنا لتايلند وسوت العمليه وستأصلوا 15 سم كان مافيه اعصاب والحمدالله رجعت مناك بس مشكلتي معاها اني أخاف عليها وايد ألحين كملت ثلاث شهور وقالي دكتور ما بكون خروجها طبيعي لين تكمل سنه والحمدلله على كل حال حبايبي بغيت أعرف حد سمع مثل حالت بنتي عشان تنصحوني كيف أتعامل وياها عادي أعطيها اكل مثل عيالي يوم تكبر وكم لازم يكون وزنها الحين ردوا علي فديتكن ونشالله ماتشوفن مكروه في عيالكن

انا ولد حميه انولد والامعاء مسكرة كانت وكان بين الحياة والموت والحمدلله سولوه عملية والحين بخير مادري اذا هو نفس بنتج بس هالي فهمته بس الحين هو بخير

فديتج ما عندي فكره
وديها عند دكتور
والله يشفي بنتج

ألف سلامه عليه هيه فديتج وين سوى العمليه وكم عمره ألحين

هي عندها موعد 2-6 مشكوره فديتج

الله يسامحكم ردوا علي لو بدعوه حقها انه الله يشافيها

ما توقعت منكم تجافوني هاشكل الله يسامحكم