خواتي ..
بليز اللي عندها اي فكره او خلفيه او تجربه عن الموضوع تفيدنــــي ~*
انا اتاابع حملي فالكورنيش بس مب حابه أربي هناك .. من الزحمه اللي عندهم والمكان حسيته مب مريح ..
وبعد لأن اللي بتولدني نيرس مب دكتوره .. ووايد سمعت عن شغلات وتجارب مب حلوه عنهم ..
مثل انهم يخلون الحرمه بروحها تربي بدون اي مساعده .. او انهم يدخلون ايدهم بدون دااعي .. او انهم يرفضون يسوون خياطه حتى لو الحرمه طلبت .. عشاااان هالاسباب انا متردده واايد اني اربي عندهم .. بالذات ان هاي اول ولاده لي .. وما ابا التجربه تكوون قاسيه لأني مابا اتعقد ..
والححين افكر اسير افتح ملف ف مستشفى برجيل .. ربيعتي ربت هناك ومدحته من كل النواحي .. وقالت ان الدكتوره تهتم فالحامل من تدخل غرفه الولاده لين ما يطلع البيبي بالسلامه وتتطمن عالأم .. بس بعد ما اقدر اخذ الكلام من شخص واحد بس وابني قراري عليه ..
ف بليز اللي عندها اي معلومه عن هالمستشفى وعن اسامي الدكاتره الممتازين هناك تقووول وتفيدني ..
وجزااااكم الله ألف خير …
بليز اللي عندها اي فكره او خلفيه او تجربه عن الموضوع تفيدنــــي ~*
انا اتاابع حملي فالكورنيش بس مب حابه أربي هناك .. من الزحمه اللي عندهم والمكان حسيته مب مريح ..
وبعد لأن اللي بتولدني نيرس مب دكتوره .. ووايد سمعت عن شغلات وتجارب مب حلوه عنهم ..
مثل انهم يخلون الحرمه بروحها تربي بدون اي مساعده .. او انهم يدخلون ايدهم بدون دااعي .. او انهم يرفضون يسوون خياطه حتى لو الحرمه طلبت .. عشاااان هالاسباب انا متردده واايد اني اربي عندهم .. بالذات ان هاي اول ولاده لي .. وما ابا التجربه تكوون قاسيه لأني مابا اتعقد ..
والححين افكر اسير افتح ملف ف مستشفى برجيل .. ربيعتي ربت هناك ومدحته من كل النواحي .. وقالت ان الدكتوره تهتم فالحامل من تدخل غرفه الولاده لين ما يطلع البيبي بالسلامه وتتطمن عالأم .. بس بعد ما اقدر اخذ الكلام من شخص واحد بس وابني قراري عليه ..
ف بليز اللي عندها اي معلومه عن هالمستشفى وعن اسامي الدكاتره الممتازين هناك تقووول وتفيدني ..
وجزااااكم الله ألف خير …
إن شاء الله بنات بوظبي يفيدونج
عن تجربتي انا وكتبتها ف هالقسم … قسم الولاده في برجيل زباله واسمحي لي ع هالكلمة .. قابلتين كانوا حق 4حريم بيربن وانا منهم كنت وتعالي لحقي ع العموم اقري موضوعي عن برجيل .. بس كدكتورة ارتحت لها وهي زينه .. بس تاكدي مهما قلتي ابا الدكتورة تولدني حزتها توقعي تولدج قابله .. و اي استفسار انا حاضرة
البعض مدحها والبعض لا بس انا اتكلم عن تجربتي
البعض مدحها والبعض لا بس انا اتكلم عن تجربتي
أنا عكس الاخت الغاوية .. تجبتي كانت وااااااااااااايد حلوة وزينة وولدوني دكتورتين وقابلة .. والاستشارية مرت علي .. وما استعيلو علي بالعكس عطوني وقتي وساعدوني
شوفي تجربتي كابتنها .. شيكي عليها من ملف مواضيعي
انا اراجع عندهم وبربي عندهم ان شا الله .. صح هم متعبين من ناحية المواعيد والتأخير بس مرتاحة مع الدكتورة هيام
في وايد ناس يذمونهم وفنفس الوقت وايد ناس يمدحونهم و يارب تتيسر معاي وما يبهدلوني