خواتي بغيت مساعدتكم ضروري اللي سوت عملية البواسير تقول لي وين سوتها ؟؟ وفي اي عيااده ؟؟ وهل هي ترد ولا لا ؟ لاني سمعت انها ترد مره ثاانيه صح ولا لا ؟؟
وهل يسونها ببنج ؟؟!! لاني سمعت ان كل اللي سواها بدون بنج سوائن مستشفى حكومي او خااص ؟؟
واللي تعرف حد سوا عملية البواسير في مستشفى في دبي خااص للبواسير مااعرف شو اسمه ؟؟تقولي الله يخليكم ..
العمليه متعبه ولا عااديه ؟؟!! بصرااحه انا ابا اروح عندهم سمعت ان هنااك حرمه تسوي العمليه للحريم بالليزر بس بدون بنج وانا خاايفه واايد وابا مشووورتكم وتجاربكم اللي جربت واللي سارت العياده الصينيه فالبريمي وسوت عندهم تقول لي ..
ومشكورين وجزاكم الله خير لاتبخلون علي بالرد …
امي وبنت خالتي سوها عند عيادة الدكتور جهاد او ماعرف شو اسمه بس هو في دبي باليزر وبعد تعبت بس الحمد لله افتكت
توكلي على الله وسويها ومافي شي بدون عوار والم لكن لازم تتحملين …………الله يشفيج وتقومين بالسلامة……
هي صدق عذاب بس الحمد لله ارتحت من أربع سنوات ونصف الى الأن ولله الحمد وماشاء الله ماردت
المهم لأني قبل ما أسير الهند سويتها في الصيني بس كان كله كلام فاضي عذبوني عالفاضي
اختي يوم كنت في الهند سألت الأطباء كلهم قالوا أحسن شي الجراحة الكاملة
لأن الليزر وهالأمور ممكن ترد بعدين
أختي العزيزة قبل لا تسوين شي صلي استخارة واتوكلي على الله
أتمنى لك الصحة والعافية
اذا قررتي تسوينها راسليني على الخاص لأن في أشياء لو سويتيها ممكن يخفف عليكي الألم
خذوا ثلاثة آلاف درهم بس وأي وقت حبيت أسير لهم عادي ما ياخذون ولا فلس
على فكرة العملية سويتها بالليزر مب بالجراحة لأن اللي يسوون جراحة يتعبون وايد عقب العملية ربيعتي تمت أسبوعين أو أكثر ما تروم تتحرك
واااااااااااايد يمدحونها بس اللي يسويها ريال ومعاه حريم (نيرسات) ب 4000 درهم
ومايخذ ووقت ربع ساعة ويسوي بنج موضعي وطبعا ماشي الم بس شي بسيط