مرحبا ..
أكيد كل أم تحب أنه طفلها ياكل شي طازج ونظيف وتعرف شو فيه وشو مافيه ..
خصوصا يوم توّه الطفل بادي ياكل ..
شفت هالجهاز في مذركير وبيبي شوب ونسيت سعره .. ماذكر بـ 500 وشي او 700 ..
وحبيته ..
هو 2 في 1 .. يعني بخار وخلاط للأكل ..
.
.
ابا اشوف تجاربكم .. اللي جربته او جربت جهاز مثله ..
وبخصوص السفر ..
عادي اشلـّــه ويايه أي بلد .. ؟؟
ومشكوووووووووورات مقدما ..
بصراحة ما جربته و اول مرة اشوفه
بس طريقة حلوه ومريحة
تجربتي اني اسوي الخضار في جدر بعدين ايب الخلاط اليدوي واهرسه ….
بس اشوفه حلو …
موفقه اختي …
لكن عجبتنى الطريقه
بنتظر ردود البنات يمكن يفيدونا
طبعا بالاول تطبخين الاكل الي فيه ع البخار وعقب تهرسينه ..
ممم اظن تقدرين تشلينه معاج بالسفر لان بيسهل عليج وااايد في اكل البيبي
الصراحه أنا بعد أول مره أشوف هالمكينه ،، وشكلها أوكيه ،، وعملية بعد حق السفر..
بس هل يستوي تفورين العيش بعد ؟؟
أنا عن نفسي شارية جدر كهريائي صغير من (هايبر بنده) من شركة أفترون ،، والخلاط من كينوود.. وكنت أشلهم في السفر.. بس عاد لازم أسويلهم مكان …
بس اللي أنتي شفتيها عملية وايد … بس اتأكدي هل نقدر نطبخ العيش ؟؟؟؟