الفزعة بنات زايد و خص الظبيانيات!!!! مشاكل الحمل

السلام عليكن و رحمة الله و بركاته
شحالكن ربكن الا ابخير
خواتي انا مشكلتي عادة شرات مشكلة كثير من البنيات اهنا ؛ انا جسمي اوكيه
و الكل يمدح فيه لأني و بشهادة اللي حولي رشيقة و وزني مناسب تماما لطولي
بس مشكلتي ف خدودي ؛ اريد اربربهن ؛ انا تقريبا ما عندي خدود الا ع عظمة الخد نفسه من فوق
وهالشي صدق مضايج بي ؛ ومشكلة لمن اضعف زود اشويتين ع رمضان و لا لمن اكون مضايجة نفسيا ؛هالوقت ما شي امل ويهي كله يروح قبل وزن جسمي
فكرت الصراحة بالبوتكس بس متخوفة لأن بشرتي زينة و الحمدلله لا محبب و لا شياته و بتصرفي اخاف اخرب بشرتي و فوق ها بشرتي حساسة ؛فقلت ما لي الا الاشيا الطبيعية …
قالوا لي يربي الموز مع الحليب ع الريج ؛ جربناه مده طويلة و لا فاد بالعكس حسيتني ضعفت اكثر و نزلت ف فترة قصيرة كيلو كامل ؛ جربت الخميرة مع الحلبة و الروب و غيره و لا فادتني هالخلطات ابشي !!!! يأست والله
امسات يوم حدرت المدونة شفت رد لعضوة عندكم تمدح كريم من الاعشاب الطبييعية يبيعونه عند محل ( السواري ) اظن ؛ تخبرت عن الكريم ف المحل و قال لي راعيه موجود عندهم و فاد كثيرات عاده هاي الرمسة ف ذمته ؛ عادة انا حابة اجربه بس مشكلتي ان هالمحل ما له فروع ف الشمالية و انا شرجاويه ش يوديني بوظبي عسب اخذ الكريم ؛ و الله ما ادل له درب انا حدي لو بعدت سرت سيتي سنتر الديرة ):؛ فقلت لو وحده منكن تفزع لي خاصة الخوات الظبيانيات و تاخذ لي الكريم من هالمحل و اظن قالوا لي انه موجود ف الخالدية > حليلي انا حتى اسم المنطقة اول مرة اسمعها< ببطرش بيزات الكريم لها عن طريج الانصاري و اتطرش لي الكريم عن طريج البريد السريع و علي احاسب مال البريد السريع
بليييييز بليييييز طلبتكم ؛ و ان شالله ما تردوني

و اللي مجربة هالكريم ليتها تخبرنا عن نتيجة تجربتها و لا انا بجربه و بخبركم باللي يصير معاي

و سلم راسكن

انا بعد عندي نفس المشكلة

بجرب عصير الافاكادو رغم ما اني ما استسيغه ابدن ؛ بس بعد بشوف هالشي بعد

مشكورة غلايه ^__^

ان شا الله بجرب اشرب عصير الافاكادوا فديتج

و ان شا الله خير ؛ يزاج الله خير خيتو و ان شا الله استفيد

بس بعد اريد اجرب ذاك الكريم ؛ بعدني طالبة الفزعة لا تردوني

معقولة و لا وحدة اتروم اتسوي لي هالخدمة ؟!!

افااااا و لله

ولله اليوم سرت و خذيت لي عصير افاكادو ؛ ولله ما رمت اشرب نصه

طعمه غير نمونة ؛ ما قد شربت العصير ها غير اليوم ؛ بس صدق ما ينشرب

للرفع >> بعده العشم موجود

للرفع

^
^
^
^
^
^
^
^

^
^
^
ولله يا خويتي مليت من هالمشكلة اللي ما عرف لها حل

الله المستعان ؛ ان شا لله يفزع حد

تسلمين غلايه ع الرد و اللخه يسهل علينا و ع اليميع مشاكلهم