الطباخات – الفنانات – اسامي معروفه ف عالم الطباخ اباكن شوي للارامل

اش رايج تسوين سندويتشات دجاج مايونيز

المكونات دججاج مفور بماي وملح وليمون – خس مفروم نعيم بالطول – شرحات طماطم رفيعة- خيار شراحات رفيعة
ظهري الدياية من الثلاجة وحطيها بجدر ماي وخليها لين مايذوب الثلج بعدين خذ قطعة جربي قطعة الصدر بس ها بعد مايذوب الثلج غسليها بالماي ونظفيها اذا عليها شحوم وغيره ( ملاحظة يوم تكون مثلجة سهل تشلين الشحم اذا عليها واليلد والدم وغيره ) بعدين اخذي جدر وحطي صدر الدياي فيه وعصري ليمونة وحطي ملح وضيفي ماي لين ماتغمرين الدياي وبعدي حطيها على النار وخليها تفور على نار عالية لين مايتبخر الماي وتنظج الدجاجة ( مايحتاي وقت عسب جذي لاتكثرين الماي يوم تفورين )
بعدين خليها تبرد
جهزي خلاط العصير نتفي الدياي وشلي العظم اذا شيىء وحطيه بالخلاط مايونيز والخس المفروم مع ملعقتين او 3 ملاعق فلفل اسود نعيم وشوية ماي ربع فنجان وزيديه اذا ماشتغلت الخلاطة ربع ثاني لان الخلاطة تحتاج سائل عسب تنعم بس لاتزيدين وشغلي الخلاط لين مايصير عندج شرات المعجون الكثيف الغليظ واطعمي الملح ممكن تزيدين اذا قصر ةاذا حبيتي كثري الفلفل الاسود ومكس بالخاشوقة
يعني الملعقة وبس جهزي خبز توست (سلايس ) وخذي كمية بالملعقة وادهني خبز التوست بالدجاج وفي ناس تمسح التوست بزبدة سايحة وبعدين تحط الدياي وبعدين شرحات من الطماط والخيار وقدميه بالهناء والعافية

الشاي : فوري ماي لدرجة الغليان وبعدين صبيه في الاكواب مع ملعقة سكر واحدة لكل كوب وهاتي شاي ليبتون الي بالاكياس وحطيه في كل كوب وحطي حذاله مبيض القهوة او حليب الي يحب بيضيف
وحتى ممكن ماي مغلي في اكواب مع ملعقة سكر وتصبين نيس كافيه مع حليب
وقدميه بالعافية

هذا رابط لاخت قصص
https://forum.uaewomen.net/search.php?searchid=107483
وعندج بعد وايد خوات مثل هيومه والشيف نانا ومينار وبنفسج

هي روابط لطبخاتي المتواضعة جربيها سهلة وطيبة
https://forum.uaewomen.net/showthread.php?t=415227
https://forum.uaewomen.net/showthread.php?t=408884
https://forum.uaewomen.net/showthread.php?t=402563
https://forum.uaewomen.net/showthread.php?t=403207
https://forum.uaewomen.net/showthread.php?t=401115
https://forum.uaewomen.net/showthread.php?t=410746