ابي اطلب منكم طلب وبلييييز لا تردوني..
امي في السعوديه هي واختي الياهل واخوي العود..
وابي اسويلهم حفله لنه بيردون يوم السبت وانا واااايد عيزت وانا قاعده ادور فبليييز ساعدوني…
سلام..
حلو تفاجئينهم بحفلة بسيطة
شوفي أنا متعودة إذا ولدي أو زوجي سافروا أسويلهم بعض التغييرات يتفاجؤون فيها يوم يردون بالسلامة
من رايي بدلي فراش سرير أمج بواحد يديد وحطيلها باقة ورد فالغرفة وأخوج نفس الشي
واليوم اللي يوصلون فيه زهبيلهم كيكة وأنصحج أتييبين من محل فوالة للحلويات كيكهم لذيذ وعقب عشا أو غدا على حسب وقت وصولهم وإذا بيتكم طابقين رشيهم بورد جوري من فوق عند دخولهم أنا سويت جيه يوم رد ريلي من السفر وإذا طابق واحد بعد تقدرين تسوين شي فرشي المدخل وحطي مدخن عود وحطي فيه عود معطر عند دخولهم البيت وإذا الميزانية تمام التمام أخذي لكل واحد فيهم هدية وحطيها مع باقة الورد وأختج إذا سنها سن مدرسة فاجئيها بشنطة المدرسة ويا أغراضها وحطيها لها فغرفتها
والله يوفقج يارب وأي سؤال أنا حاضرة
واستقبليهم في المطار بليموزين ^^
ومن المطار خذيهم بيتج وتكونين مزينـة البيت وعازمـة الأهل ومسوين بوفي وكيك وجي
واستقبلوهم بالورد وهدية بسيطة منكم تعبر عن مشاعركم ^^
يعني انا افكر اييب كيكه واسوي استقبال بالرشاشات والحلويات بس انا ما اقدر اييب كيكت فواله ولا عمري طعمتها اصلا..
ترى كلهم بيسيرون المطار الا انا لاني بجهز البالونات حول الباب…
وبس..
يريت تعطوني افكار اكثر…
وثاااااااااااااااااااااااااااااانكس…
’
آمم تدريين فييه رشآشآت حلووه يستخدوومنها ف الاعراس لما تدخل العرووس رخيييص
يووم يدشوون طآآآآآخ ع الوييه خخ مره سويناهاا لآخوي يوم تخرج من الكليييييه الله يحفظه
وبعـد اطلبي كييكه علييها صورهم او اسمائهم و كل واحد منهم الاكله الي يحبها سويله اياهاا
آو اطلبي بوفييه الهم و اعزمي الآهل وبعــد انا وااييد واايد استانس لما حد اييب لي هدييه خاطري
فييها ويفاجاني بشي احببه و اتمنااه اشترييلهم شي يحبوونه هع وطبعاا العصصاير جيي رتبييها
او ايسكرييم و حطي فووقه فواكه مقطعه و هييك يعني شغلات رومنسييه وهييه بعد فييه ليتات يشتروونها
تلآمع حق جوو رومنسي اناا عندي ماخذتنه بـ 50 رخيص وحلوو يعنيي يعطي منظرر و تسكرين الليتات هع
آحم سوييتلج تقريييييير خخخ , آون تآيم ^^
‘
’