انا عندي اطفال في اعمار السنتين لين الثمانيه ..وحابه اسوي لهم جدول سياحه داخليه بس الصراحه ما اعرف اماكن في الدوله وايد لاني ما لفيت فيها ذال الزود خص من كبرت و عرست يمكن قبل الوالد الله يحفظه كان ايودينا فيها اماكن حلو بس الحين على الثقدم و التطور اكيد صار فيه اماكن يديدة احلى ..
فحابة من صاحبات الخبرة انهن يساعدن بالموضوع حرام يمر الصيف و لا يطلعون اليهال مكان وبعدين صراحه عيالنا مايعرفون اي اماكن حلوه في البلاد ..ابا الكل يساعد باحلى الاماكن اللي تستحق الزياره و تكون حلوه للعائله ..
واتمنى من اي حد بعد عنده خبر بالسياحه للمناطق العمانيه القريبه انه يفيدنا بعد ..يعني زياره لدولة شقيقة بتكون اكيد ممتعه ..
اتريا المشاركه من الجميع ..
ابدا انا بما اني من العين فاقترح "حديقة الحيوان خصوصا بدأ التوقيت المسائي فيها ..المبزره ..العين الفايضه مع اني من زمان مارحت لها "
اكيد دبي سكي في دبي ..الحديقه المائيه خصوصا يوم النساء علشان يكون فيه وناسه للمشاركه بين الام وصغارها ..يمدحون حديقة الحيوان في دبي مع اني مارحت لها ..
هذا اللي طرا لي الحين ..يا الله نبا همه منوه بيشارك
جريب مفاجا المدهش مهرجان الصيف
رووووعه ,,,, لولا الحر والرطوبه
أحنا ما نسير ألا السناتر أو على البحر بس فالليل
وعلى فكرة من تبداء مفاجأت صيف دبي بتبدأ وياهم التنزيلات في جميع المحلات في السناتر
شوه احسن فندق للعائلات اللي عندها اطفال صغار ولو كان شقق فندقيه افضل وتسلمن ..
اقصد في دبي علشان يوم تبدا الفعاليات نسكن فيه اقرب ..
عدال فستيفال سيتي
وايد حلو لعايلة .. هو شقق فندقية
هاي بعض الصور من تصويري
