الرشاقه كنز إذا ماحافظتي عليها تضيع منج (قصتي) لسلامتك

شحالكن يا بنات ..

ياما كنت أقيل وأبات في هذا القسم.. وألحينه زين مني اشوف عنوانه وأقراه ..

الله يسامحني ناكرت الجميل انا ..

والله كنت يوم ادخل وأقرا المواضيع واشترك ويا البنات في الرجيم كنت نشيطه وكانت عندي الاراده في خفض وزني ..

كان وزني 70 او 71 كيلو وأحيانا يشارف على 72 .. ونزل لين 55 كيلو ..

كانت فييه اراده اني انزل وزني وتشجيع البنات لي كان اكبر حافز ساعدني في الاستمرار.. وصلت 55 كيلو..

ووقفت عن الرجيم ولا صرت ادخل القسم مع مرور الايام والمناسبات والعزايم والعيوش والنفس الضعيفه ..

تعالوا شوفوا كم صار وزني اليوم الصبح يوم وزنت وصل 59،9 يعني جرام واحد ويوصل 60 كيلو..
يالله يالحسره إلي حسيت بها يالله تعبي في شهور الرجيم سارت بلاش ماتهنيت برشاقتي ألا كم شهر ياربي كيف الشي إذا ما حافظت عليه يطير منك..

تصدقن .. مره كنت في عزيمة حريم وكنت لابسه فستان يالله كيف تخبلن الحرمات على جسمي.. تمن يسأني كيف قدرت اني انزل من وزني وكيف اختفت الكرشه مع انها ماراحت كلها وكيف راحت (………..) إللي وراء ..
وكيف كانت عندي الاراده ..

والله ثم والله من عقب هزيج العزيمه صرت ماأقدر اقاوم الاكل والله الرياضه ماصرت امشي موووول.. لاإله إلا الله.. الله أكبر من عيونهن يالله يالحسد فيهن تبغن وزنكن ينزل سون رياضه هب قاعدات تحسدن.. استغفر الله العظيم …

فييه خمول وأبغي اسوي رياضه بس عندي مشروع ثاني هو اني ابغي احمل أخاف اني اسوي راضه ويصير حمل ويسقط او يصير له شي او يتأخر الحمل مع انه هو بروحه متأخر ..

وينج .. انتي مغيره الاسم وانا أقول وين راحت وليش اختفت الحمدلله اني شفتج يادبه
Miss World
تعرفين انتي أكلنا فضيع بصراحه .. فترة الرجيم منعت نفسي عن النشويات جميعها والعيووووووش بأنواعها وألحينه رجعت آكل منها اااااااه

أبغي تشجيع أبغي حد يهزبني