شحالكم حريم وبنات ؟
الصراحه ماعرفت وين احط الموضوع
بس عندي مشكله مأزمتني
انا بعدني بنوته مب متزوجه
والدوره تتاخر عندي واااااااااااااااايد ما ادري شو السبب
يعني الحين من شهرين تقريبا مايتني !
واحس نفسيتي دااااااون كله حاسه بضيييق وألاام فالصدر وتعب وخمول وكله ابا اصيح ومحرجه !!
ولحد الحين ماحسيت باعراض الدوره الشهريه !!
بنات اخر مره يتني الدوره تاريخ 28-7 وخلصت بتاريخ 4-8
وقبلها كانت يايتني شهر خمسه او اربعه ما اذكر وشهر سته مايتني وشهر سبعه الي هوه ها التاريخ 28 يتني !!
شوه المشكله الحين مادري ؟؟؟
ولاتقولولييي تحالييييييييييل انا اخاف من الابره ويغمى علييه منها
وصلوا ع النبي
وادعوووووووووولي تنتظم الدوره عندي لان انا بعدني صغييييييييره ماكملت ال20
اختي ان شاء الله مافيج الا العافيه
اذا انتي من بوظبي خذي موعد في مركز امبريال كولدج بيسولج فحص هرمونات شامل وبيحولونج على دكتورة تغذيه تعلمج على نوع الاكل الصحي
يمكن بس عندج خربطه فالهرمونات او تكيس مبايض حاولي تنزلي وزن حتى لو كنتي ضعيفه
واذا تبين تروحي دكتوره نسائيه خذي امج معاج وروحي عند الدكتوره نوال الخالدي في مستشفى الامارات كوزموسيرج بوظبي بعد بتسولج فحص هرمونات وسونار من البطن
حاولي ماتعصبين ولاتتوترين والله ييسر امورج
لكن للاسف بوظبي وايد بعيده عنا =(
لكن تسلمين على الرد
وان شالله خير
والله يرزقج الذريه الصالحه المعافاه وتقر عينج بشوفته
وسيري مع امج او ختج الكبيره او حد فاهم وعارف لهالامور خليه يروح معاج للدكتوره النسائيه
بتسويلج فحوصات وسونار على بطنج عسب تشوف اذا فيج تكيسات ولالاء
وفحص الدم لازم يسوون لج عسب يعرفون هرموناتج شو فيها يمكن مختل توازنهن
وللعلم انا استوالي جي قبل لا اعرس وسرت وسويت الفحوصات اللازمه وافتكيت ويتني الدوره ومن بعدها الحمدلله انتظمت
اتمنى ماتهملين نفسج وحاسبي على اكلج اتركي الاكل الدهني والسويتات فتره للعلم بسببهن تتكون هالتكيسات حول المبايض
والسموحه