الدكتور نيوترشن مشاكل الحمل

السلام عليكم و رحمه الله و بركاته
اللي مشتركة مع الدكتور نيوتريشن، تيي تسولف هني، لأن الصراحه الرجيم وياه يباله عزيييييييمه و صبر! و ان شاء الله نصبر بعض!
ملييييييييييييييييت من هالشحوم اللي علي، ما اروم اشتري قمصان النوم اللي في خاطري<<< طع في شو تفكر!!! ههههههه
لا والله صدق! انا ما ابي وحده اتيي هني و تقول نيوترشن ما ينفع، لا والله ينفع و نص، لأني ميربته من قبل، و نزلت وياه 13 كيلو في 3 اسابيع، بس لأني حملت، اضطريت اوقف! اللي ما ينفع وياها و يرد ع قولتها وزنها دبل،هي اللي ما تثبت وزنها عقب ما توصل وين ما تبي! و هذا اهم شي في اي ريجيم
المهم، يالله فديتكن، تعالن نسولف
انا توووني باديه اول اسبوع، كل احد عندي موعد ويا اخصائي التغذيه اللي في المارينا مول (ما احيد اسمه)، و الصراحه، في اليوم ما اكل الا خيار و تونه، و جبن و مورتاديلا، و اذا دلعت عمري بيض!
كل وحده تخبرنا، كم وزنها يوم بدت، و من متى، شو تاكل في اليوم، نفع وياها ولا لأ؟ كم نزلت لين الحين و لين كم تبي توصل!
يالله، بلاش بلاده، عاوزين نشجع بعضنا! ههههههه
عني/ لما سرت اوزن كنت زايده كيلوين (احتباس ماي بسبب الدوره)، يعني بديت 93كج
ابي اوصل وزني لين 68 و لو اقل ما بقول لأ! ههههه
طولي 165
همي كرشه الحمال اللي مب طايعه تخوز
قلت لكم شو اكل
و بخبركم كم بيكون وزني لما اسير الموعد!
اتريا الردود الكاشخه!

انا اروح لهم وزني كان 91
والحين 82 وبعدني ماخلصت شهرين
ريجيمهم اوكي
بس مثل ماقلتي يباله عزييييييييييييمه واراده قويه وايد

انا افكر في المستقبل اقول اخاف انزل الوزن اللي اباه بس اخاف احمل ويخترب كل شي هههههه

يالله انا وياج بس انتي شكلج مب ملتزمه بالموضوع خخخخخ

وطبعاااا لازم اقولج اني امشي في اليوم 50 دقيقه
يوميا

واقول اليوم حق ريلي ملاااااااااااانه من الريجيم خلااااااااص

انا اسير وهذا الاسبوع الثالث ولوعة الجبد من الاكل المتكرر…خيار تونه بيض تكا…والله لاعت جبدي
المهم اول ما دخلت وزني 92 ونسبة الدهون 38،8 وطولي 167
انا في الاسبوع الثالث وباجر المراجعه بس في الاسبوعين خفيت 4 كيلو والدهون صارت 36,7
الله يستر من باجر احس اني ملخبطة الدنيا هالاسبوع…..ههههههههههههه

انا سرت له من سنه او اكثر بس صراحه ما استفدت شي لان اصلا اكلهم لوووووووووعه وملل وكنت احس بهبوط وبعدين صح اني نزلت لكن والله عقب زدت اكثر من ما كنت عليه وبعدين صراحه حتى معاملتهم ما تعيبني الله يعيييينكم والله

والحين انا مشتركه ي سلم آند لايت صراحه مرتاااااااااحه جدا جدا لان ف ي تنوع في الاكل

وين صاحبه الموضوع؟